Police : कर्जत : ठिकाण कर्जत पोलीस ठाणे.. वेळ सकाळच्या सातची… अचानक काही वर्दीतील तर काही सिव्हील ड्रेसमधील पोलीस (Police) कर्मचाऱ्याच्या कोणाच्या हाती झाडू तर कोणाच्या हातात खराटा, खोरे, घमेले घेत पोलीस निरीक्षक दौलतराव जाधव यांच्या मार्गदर्शनाखाली पोलीस ठाण्यातील घाण, कचरा, पालापाचोळाची साफसफाई (Cleaning) करीत स्वच्छता अभियान राबविण्यात आले. प्रजासत्ताक दिनानिमित्त (Republic Day) पोलीस निरीक्षक, उपनिरीक्षक यासह पोलीस कर्मचाऱ्यांच्या हातात स्वच्छतेचे साहित्य पाहून काही काळ सर्वच अवाक झाले होते.
नक्की वाचा : आग लागल्याच्या भीतीने प्रवाशांच्या ट्रेनमधून उड्या; समोरून येणाऱ्या ट्रेनने धडक दिल्याने ११ जणांचा मृत्यू
प्रजासत्ताक दिनानिमित्त स्वच्छता अभियान
गुरुवारी (ता.२३) सकाळी ७ वाजताच्या सुमारास अचानक एका पाठीमागून एक असे पोलीस अधिकारी आणि कर्मचारी हातात झाडू, खराटा, खोरे, घमेले आणि डस्टबीन घेत बाहेर पडू लागले. पोलीस निरीक्षक दौलतराव जाधव, पोलीस उपनिरीक्षक रमीज मुलाणी, संदीप ओसावे, प्रदीप बोऱ्हाडे यासह पोलीस कर्मचाऱ्यांनी हातात असणाऱ्या साहित्याने अवघ्या काही काळातच पोलीस ठाण्याच्या परिसरात असलेला कचरा, पाळा-पाचोळा तसेच मातीचा ढिगारा आदी बाजूला करीत प्रजासत्ताक दिनानिमित्त स्वच्छता अभियान राबवले.
अवश्य वाचा : …’त्या’ वक्तव्यानंतर राधाकृष्ण विखे पाटील यांनी दिले स्पष्टीकरण
या अभियानाचे प्रशासनातून देखील कौतूक (Police)
साठलेला कचऱ्याची विल्हेवाट देखील या सर्वांनी तत्काळ लावत सकाळपर्यंत दिसणारा अस्वच्छ परिसर चकाचक करण्यात हातभार लावला. पोलिसांनी राबवलेल्या या अभियानाचे प्रशासनातून देखील कौतूक होत आहे.