Police : नगर : अहिल्यानगर शहरासह जिल्ह्यातून दुचाकी चोरणारे दोघे सराई आरोपी कोतवली पोलिसांनी (Kotwali Police Station) ताब्यात घेतले. त्यांच्याकडून तब्बल सहा लाख २५ हजार रुपये किमतीच्या चोरीच्या २४ दुचाकी हस्तगत करण्यात आल्या आहेत, अशी माहिती पोलीस (Police) अधीक्षक सोमनाथ घार्गे (Somnath Gharge) यांनी पत्रकार परिषदेत दिली.
अवश्य वाचा: काँग्रेस जिल्हाध्यक्ष सचिन गुजर यांच्यावर गुन्हा दाखल; छत्रपती शिवाजी महाराजांचा अवमान केल्याचा आरोप
जेरबंद संशयित आरोपींची नावे
असिफ इकबाल सय्यद (वय ३८, रा. रंगार गल्ली अहिल्यानगर) व आझाद हरून शेख (वय ३२, रा. आलमगीर, अहिल्यानगर) अशी जेरबंद संशयित आरोपींची नावे आहेत. अहिल्यानगर शहरासह जिल्ह्यात दुचाकी चोरीच्या घटना घडल्या आहेत. जिल्हा पोलीस अधीक्षक सोमनाथ घार्गे यांनी या घटनांतील गुन्हेगार शोधण्याच्या सूचना संबंधित प्रभारी अधिकाऱ्यांना दिल्या होत्या. त्यानुसार कोतवली पोलीस ठाण्याचे पोलीस निरीक्षक संभाजी गायकवाड यांना मिळालेल्या माहितीनुसार अहिल्यानगर शहरातील वर्दळीच्या ठिकाणी दुचाकी चोरणारा आसिफ सय्यद हा असल्याची खात्रीशीर माहिती मिळाली. त्यानुसार पथकाने त्यास सापळा रचून ताब्यात घेतले. त्याच्याकडे अधिक चौकशी केली असता त्याचा साथीदार आझाद शेख हा असल्याचे तपासात समोर आले. त्यांच्याकडून तब्बल २४ दुचाकी असा एकूण सहा लाख २५ हजार रुपयांचा मुद्देमाल हस्तगत करण्यात आला.
नक्की वाचा : एआयने बनवलेले व्हिडिओ नेमके कसे ओळखायचे? जाणून घ्या…
यांच्या पथकाने केली कारवाई (Police)
ही कारवाई साहेब पोलीस निरीक्षक गणेश देशमुख, पोलीस अंमलदार बाळकृष्ण दौंड, वसीम पठाण, शब्बीर शेख, विशाल दळवी, विनोद बोरगे, दीपक रोहकले, सत्यम शिंदे, शिरीष तरटे, दत्तात्रय कोतकर, अभय कदम, सुरज कदम, अमोल गाडे, अतुल काजळे, सचिन लोळगे, राम हंडाळ, अतुल शेंडे, अतुल लाटे, गुलाब शेख, महेश पवार, रोहिणी दरंदले यांच्या पथकाने केली आहे.
