नगर : पहलगाम हल्ल्यानंतर भारताने पाकिस्तानातील (India Pakistan Attack) दहशतवादी तळं उद्ध्वस्त करुन बदला घेतला. त्यानंतर पाकिस्तानने भारतावर हल्ला चढवला. भारतानं पाकिस्तानला जोरदार प्रत्युत्तर देत त्यांचा हल्ला परतवून लावला. अशातच बॉलिवूडची ‘ड्रामा क्वीन’ राखी सावंतनं (Rakhi Sawant) पाकिस्तानला पाठिंबा देत सर्वांचं लक्ष वेधून घेतलं आहे. आता राखीवर आमदार संजय गायकवाड (MLA Sanjay Gaikwad) यांनीही कटू शब्दात टीका केली.
नक्की वाचा : दहावीचा निकाल जाहीर;महाराष्ट्रात मुलींनीच मारली बाजी
राखीने दिल्या पाकिस्तान जिंदाबादच्या घोषणा (Rakhi Sawant)
भारत-पाकिस्तानातील तणावाच्या काही दिवस आधीच राखी सावंत पाकिस्तानात गेली होती. त्यानंतर झालेल्या दोन्ही देशातील तणावानंतर राखीनं पाकिस्तान जिंदाबादच्या घोषणा दिल्या. यावरून राखी सावंतवर सर्व बाजूंनी टीका करण्यात आली. राखीवर साऱ्यांनीच निशाणा साधला. याबाबत शिवसेना शिंदे गटाचे आमदार संजय गायकवाड यांना विचारल्यानंतर त्यांनी राखी सावंतवर जोरदार टीका केली आहे. तसेच, तिला देशद्रोही म्हणून गोळ्या घाला,असंही संजय गायकवाड म्हणाले आहेत.
अवश्य वाचा : आयपीएलचे नवीन वेळापत्रक जाहीर;’या’ दिवशी अंतिम सामना
काय म्हणाले संजय गायकवाड ? (Rakhi Sawant)
संजय गायकवाड बोलताना म्हणाले की,”राखी सावंतला देशद्रोही म्हणून गोळ्या घातल्या पाहिजेत,अशा बेताल महिला, ज्या महिलांच्या नावाला कलंक आहेत, या राखीने भारतात जन्म घेतला, याच भारतात पैसे कमावले, भारतात ऐशो-आराम करते आणि त्या देशात जाऊन त्यांचे नारे देते, तिला तिकडेच गाडलं पाहिजे, तिला आपल्या भारतात परत येऊच देऊ नये, असं आमदार गायकवाड म्हणालेत.