नगर : बॉलिवूड अभिनेता अभिनेता रणबीर कपूर (Ranbir Kapoor) आपल्या दमदार अभिनयासाठी जगप्रसिद्ध आहे. आता हाच रणबीर वर्षाच्या शेवटी त्याच्या चाहत्यांना आणखी एक मनोरंजनाची मेजवानी देणार आहे. कारण रणबीरचा अॅनिमल (Animal) हा चित्रपट रिलीज होत आहे. आज अॅनिमल या चित्रपटाचा ट्रेलर प्रेक्षकांच्या भेटीला आला आहे. या चित्रपटाचा टीझर आणि यातील अर्जन वेली या गाण्याने आधीच प्रेक्षकांची उत्सुकता वाढवली होती.
नक्की वाचा : ‘डंकी’ सिनेमातील पहिलं गाणं प्रदर्शित
अॅनिमल या चित्रपटाच्या ट्रेलरची सुरुवात अनिल कपूर आणि रणबीर कपूर यांच्या एका सीननं होते. या सीनमध्ये रणबीर आणि अनिल यांचा जबरदस्त अभिनय बघायला मिळत आहे. ट्रेलरमध्ये दिसत आहे की अनिल कपूर हे रणबीरचे वडिल आहेत आणि वडिलांसाठी रणबीर काहीही करायला तयार असतो. ट्रेलरमध्ये बॉबी देओलची झलक अवघ्या काही सेकंद दिसते. पण ट्रेलरमधील बॉबीच्या लूकनं अनेकांचे लक्ष वेधले आहे. अॅनिमल चित्रपटाच्या ट्रेलरमध्ये बॉबी आणि रणबीर यांच्यामधील फायटिंगचा सीन देखील आहे.
हेही वाचा : देवेंद्र फडणवीसांच्या हस्ते कार्तिकी एकादशीची शासकीय महापूजा
या चित्रपटाच्या ट्रेलरमधील रश्मिका मंदानाच्या जबरदस्त अभिनयाने प्रेक्षकांना भुरळ घातली आहे. अॅनिमल या चित्रपटात रश्मिकानं रणबीरच्या पत्नीची भूमिका साकारली आहे. रश्मिकाच्या ट्रेलरमधील डायलॉग्सनं देखील अनेकांचे लक्ष वेधले आहे. या चित्रपटाचे दिग्दर्शन संदीप रेड्डी वंगा यांनी केलं आहे. हा चित्रपट 1 डिसेंबर रोजी रिलीज होणार आहे.