नगर: डिसेंबर तोंडावर आला आहे. आता वर्षाच्या शेवटच्या महिन्याची सुरूवात होण्याआधीच सामान्य नागरिकांसाठी काही महत्वाचे बदल लागू (Rule Change) होणार आहेत. कर, पेन्शन, एलपीजीचे दर, विमान प्रवास या सर्व गोष्टींवर १ डिसेंबरपासून (December 1) प्रभाव पडणार आहे. आता कोणकोणत्या गोष्टीत बदल होतील ते जाणून घेऊ…
कर भरण्यात विलंब झाला तर भरावा लागेल दंड (Rule Change)
नोव्हेंबरचा शेवटचा आठवडा करदात्यांसाठी खूप महत्वाचा असतो. टीडीएस स्टेंटमेंट दाखल करण्याची अंतिम तारीख ३० नोव्हेंबर आहे. कलम ९२ ई अंतर्गत ट्रान्सफर प्राइसिंग रिपोर्ट सादर करणे आवश्यक असलेल्यांनीही या तारखेपर्यंत रिटर्न दाखल करावेत. तसेच भारतामध्ये काम करणाऱ्या परदेशी कंपन्यांनी फॉर्म ३ सीईएए सादर करणे बंधनकारक आहे. अंतिम तारखेपलीकडे विलंब झाल्यास दंड आणि आयकर विभागाकडून नोटीस मिळण्याची शक्यता आहे.
नक्की वाचा: ऐन निवडणुकीत उमेदवारांना दिलासा!प्रचाराची मुदत वाढली
विमान प्रवास महागण्याची शक्यता
१ डिसेंबर रोजी विमान इंधनाच्या किमतींचा आढावा घेतला जाणार आहे. जर दर वाढले तर, डिसेंबर महिन्यात विमान तिकिटे महागण्याची शक्यता आहे. याचा थेट परिणाम देशांतर्गत आणि आंतरराष्ट्रीय प्रवाशांवर होईल.
एलपीजी सिलिंडरच्या किंमतीत बदल
दर महिन्याप्रमाणे, १ डिसेंबरला एलपीजी सिलिंडरच्या किमतीत बदल होण्याची शक्यता आहे. घरगुती एलपीजीच्या किमतीत वाढ झाल्यास याचा फटका घरगुती बजेटवर होऊ शकतो. माहितीनुसार, कमर्शियल सिलेंडर आधीच स्वस्त झाले आहेत. यामुळे घरगुती ग्राहक आता नवीन दरांकडे उत्सुकतेने पाहत आहेत.
अवश्य वाचा: एआयने बनवलेले व्हिडिओ नेमके कसे ओळखायचे? जाणून घ्या...
यूपीएसमध्ये जॉईन होण्याची शेवटची संधी
केंद्र सरकारच्या कर्मचाऱ्यांना युनिफाइड पेन्शन स्कीममध्ये सामील होण्यासाठी ३० नोव्हेंबर ही शेवटची तारीख असेल. एनपीए वरून युपीएसमध्ये बदल करू इच्छिणाऱ्या कर्मचाऱ्यांनी या तारखेपर्यंत सीआरए पोर्टलवर अर्ज करणे बंधनकारक आहे. अर्ज भरण्याची अंतिम मुदत चुकल्यास पुढील तारीख समोर येईपर्यंत तुम्हाला प्रतिक्षा करावी लागेल.
पेन्शनधारकांना बसू शकतो फटका (Rule Change)
३० नोव्हेंबरपर्यंत जीवन प्रमाणपत्र सादर न केल्यास, डिसेंबर महिन्यापासून पेन्शन क्रेडिट थांबवले जाऊ शकते. पेन्शनधारक हे प्रमाणपत्र बँक, पोस्ट ऑफिस किंवा अॅपद्वारे सहजरित्या सादर करू शकतात.
