नगर : मराठी मनोरंजन सृष्टीवर पुन्हा एकदा शोककळा पसरली आहे. अवघ्या २५ व्या वर्षी मराठी अभेनेत्याने गळफास घेत आत्महत्या(Sucide) केल्याचा प्रकार समोर आलाय. अभिनेता सचिन चांदवडे (Sachin Chandavade) याने २३ ऑक्टोबर रोजी आत्महत्या केल्याचं उघडकीस आले आहे. सचिनची महत्वाची भूमिका असणारा त्याचा चित्रपट ‘असुरवन’ (Asurvan Movie) हा नुकताच चित्रपटगृहात प्रदर्शित होणार होता. त्याआधीच त्याने असे टोकाचे पाऊल उचलल्याने हळहळ व्यक्त होत आहे.
अभिनेता सचिन चांदवडे याने जळगाव जिल्ह्यातील पारोळा तालुक्यातल्या उंदिरखेडे गावात त्याने राहत्या घरात गळफास घेऊन आपलं जीवन संपवलं आहे. त्याच्या निधनाची बातमी समोर आल्यानंतर त्याच्या कुटुंबावर शोककळा पसरली आहे.
नक्की वाचा: पुष्कर जोगच्या नवीन चित्रपटाची घोषणा ;चित्रपटात ‘हे’ कलाकार झळकणार
नेमकं काय घडलं ? (Sachin Chandwade)
मिळालेल्या माहितीनुसार, सचिनने घराच्या वरच्या मजल्यावरील खोलीत पंख्याला गळफास घेतल्याची माहिती समोर आली आहे.त्यानंतर तात्काळ त्याला रुग्णालयात दाखल करण्यात आलं. प्रकृती गंभीर झाल्याने त्याला पुढे धुळे येथील रुग्णालयात हलवण्यात आलं, मात्र २४ ऑक्टोबरच्या मध्यरात्री उपचारादरम्यान त्याचा मृत्यू झाला.
सचिनला अभिनयाची आवड (Sachin Chandwade)
सचिन चांदवडे हा मूळचा इंजिनिअर असून पुण्यातील आयटी पार्कमध्ये नोकरी करत होता. मात्र, अभिनयाची आवड असल्यामुळे त्याने नोकरीसोबतच अभिनयाच्या क्षेत्रात पदार्पण केलं होतं. महत्वाची भूमिका असणारा सचिनचा सिनेमा ‘असुरवन’ लवकरच प्रदर्शित होणार होता. काही दिवसांपूर्वीच त्याने या चित्रपटाचं पोस्टर इन्स्टाग्रामवर शेअर केलं होतं, यात तो अतिशय उत्साहित असल्याचं दिसत होतं. जमताराच्या दुसऱ्या सिझनमध्येही तो झळकणार होता. विषय क्लोज नावाच्या फिल्ममध्येही त्याचं दर्शन घडलं होतं. याशिवाय ढोल ताशा पथकातही तो सक्रिय होता. गणेशोत्सव, गुढीपाडवा यानिमित्ताने त्याने अनेक मराठी कलाकारांसोबत ढोल वादन केल्याचे फोटो सोशल मीडियावर शेअर केले होते.
अवश्य वाचा: रोहित-विराटची जोडी पुन्हा मैदानात कधी दिसणार?
तरुण आणि बहुआयामी असलेल्या सचिनच्या अशा अकस्मात जाण्याने सर्वत्र हळहळ व्यक्त होत आहे. या घटनेप्रकरणी पारोळा पोलिस ठाण्यात अकस्मात मृत्यूची नोंद करण्यात आली. त्याच्या आत्महत्येमागील कारण अजून समजू शकलेले नाही.
