Sangram Jagtap : नगर : शहरातील चितळे रोड, कापड बाजार, सर्जेपुरा व शहराच्या विविध परिसरात एकाच रात्रीत झालेल्या चोरीचा छडा स्थानिक गुन्हे शाखेच्या पथकाने २४ तासांत आरोपी पुणे येथून जेरबंद केले आहे. या यशस्वी कारवाईनंतर आमदार संग्राम जगताप (Sangram Jagtap) यांच्या उपस्थितीत पोलीस अधीक्षक सोमनाथ घार्गे (Somnath Gharge), शहर उपविभागीय अधिकारी अमोल भारती, गुन्हे शाखेचे पोलीस निरीक्षक किरणकुमार कबाडी (Kirankumar Kabadi) आणि तपासात सहभागी पोलीस कर्मचाऱ्यांचा सत्कार करण्यात आला.
अवश्य वाचा : आमच्या विरोधात ‘व्होट जिहाद’चा प्रयोग; मुख्यमंत्री देवेंद्र फडणवीस यांचा गंभीर आरोप
आंदोलन छेडण्याचा दिला होता इशारा
यावेळी रमेश दुल्लम, दीपक नवलानी, सुरेश बनसोडे, अशोक गायकवाड, अ‍ॅड.राजेश कातोरे, बाली बांगरे, अंकुश मोहिते आदी उपस्थित होते. चोरीच्या घटनांमुळे मुळे व्यापाऱ्यांमध्ये भीतीचे वातावरण निर्माण झालं होत. सोमवारी (ता. ३) पहाटे घडलेल्या या चोरीत लाखो रुपयांचा मुद्देमाल चोरून नेण्यात आला होता. ही घटना सीसीटीव्हीमध्ये कैद झाली होती. या गंभीर घटनेने पोलिसांसमोर मोठं आव्हान उभं राहिले होते. या बाबत आमदार संग्राम जगताप व व्यापाऱ्यांच्या शिष्टमंडळाने जिल्हाधिकारी व जिल्हा पोलीस अधीक्षक सोमनाथ घार्गे यांची भेट घेऊन तातडीने तपास करण्याची मागणी केली होती. तसेच वेळेत कारवाई न झाल्यास व्यापाऱ्यांसह आंदोलन छेडण्याचा इशारा देण्यात आला होता.
नक्की वाचा : शेअर मार्केटच्या नावाखाली फसवणूक करणाऱ्या आरोपीवर हल्ल्याचा प्रयत्न
२४ तासांत चोरीतील आरोपी घेतले ताब्यात (Sangram Jagtap)
मात्र, स्थानिक गुन्हे शाखेच्या पथकाने २४ तासांत चोरीचा छडा लावत आरोपी ताब्यात घेतले. “जशी चूक झाल्यावर पोलिसांवर टीका होते, तशी त्यांनी केलेल्या चांगल्या कामाची दखल घेऊन कौतुक करणे समाजाचे कर्तव्य आहे. पोलिसांनी अत्यंत तत्परतेने काम करत चोरट्यांना जेरबंद केले, त्यामुळे शहरात आश्वासक वातावरण निर्माण झाले आहे.”, असे आमदार संग्राम जगताप म्हणाले.
