Sanjay Raut : श्रीगोंदा : श्रीगोंदा (Shrigonda) विधानसभा मतदारसंघातून महाविकास आघाडीतर्फे शिवसेना (उबाठा) (Shivsena UBT) पक्षाच्या मशाल चिन्हावर निवडणूक लढविणाऱ्या उमेदवार अनुराधा राजेंद्र नागवडे (Anuradha Nagawade) यांच्या प्रचाराचा प्रारंभ गुरुवारी (ता. ७) दुपारी १२ वाजता तालुक्यातील वांगदरी येथील अंबिका माता मंदिर प्रांगणात शिवसेना नेते खासदार संजय राऊत (Sanjay Raut) यांच्या प्रमुख उपस्थितीत होणार असल्याची माहिती ज्येष्ठ नेते बाबासाहेब भोस, काष्टीचे सरपंच व शिवसेना उपनेते साजन पाचपुते व तालुका काँग्रेसचे अध्यक्ष प्रशांत दरेकर यांनी दिली.

नक्की वाचा: लाल संविधान दाखवून तुम्ही कोणाला इशारा देताय? – देवेंद्र फडणवीस

प्रमुख नेते व पदाधिकारी राहणार उपस्थित (Sanjay Raut)

महाविकास आघाडीला राज्यात आणि मतदारसंघात अनुकूल वातावरण असून महाविकास आघाडी उमेदवार अनुराधा नागवडे मोठ्या मताधिक्क्याने विजयी होतील, असा विश्वास साजन पाचपुते यांनी व्यक्त केला. प्रचाराच्या प्रारंभास महाविकास आघाडीचे जिल्ह्यातील व तालुक्यातील घटक पक्षांचे प्रमुख नेते व पदाधिकारी उपस्थित राहणार असून मतदारसंघातील महाविकास आघाडीच्या कार्यकर्त्यांनी, शिवसैनिकांनी मोठ्या संख्येने उपस्थित राहण्याचे आवाहन बाबासाहेब भोस, साजन पाचपुते व प्रशांत दरेकर यांनी केले आहे.