Shaheed Jawan : अकोले: तालुक्यातील ब्राह्मणवाडा गावचे शूर भूमिपुत्र संदीप पांडुरंग गायकर (Sandeep Gaikar) यांना गुरुवारी (ता.२२) सकाळी दहशतवाद्यांशी (Terrorists) लढताना वीरमरण आले. ही घटना जम्मू-काश्मीरमधील किस्टवाड सेक्टरमध्ये घडली. दरम्यान शहीद जवान (Shaheed Jawan) संदीप गायकर यांच्या पार्थिवावर शनिवारी (ता. २४) सकाळी ब्राह्मणवाडा येथे अंत्यसंस्कार करण्यात येणार आहेत.
अवश्य वाचा : संभाव्य आपत्ती परिस्थितीचा सामना करण्यासाठी यंत्रणांनी सज्ज राहावे : डॉ. पंकज आशिया
संपूर्ण अकोले तालुक्यावर पसरली शोककळा
शहीद संदीप गायकर हे मराठा बटालियनमध्ये होते. त्यांच्या पश्चात पत्नी, आई-वडील असा परिवार असून ते सर्वसामान्य शेतकरी कुटुंबातील आहेत. त्यांच्या बलिदानाने संपूर्ण अकोले तालुक्यावर शोककळा पसरली आहे. याबाबत जिल्हा प्रशासनाकडून मिळालेल्या माहितीनुसार गुरुवारी सकाळी जम्मू-काश्मीरच्या ‘किस्टवाड सेक्टर’मध्ये आठ दहशतवाद्यांच्या शोधासाठी ‘१७ आर आर बटालियन’ने शोधमोहीम सुरू केली होती. या दरम्यान चार दहशतवाद्यांना जवानांनी कंठस्नान घातले. मात्र, यावेळी चकमकीत गायकर शहीद झाले.
नक्की वाचा : राज्यातील जमिनींची हिस्सेवाटप मोजणी अवघ्या २०० रुपयांत होणार; चंद्रशेखर बावनकुळे
ब्राह्मणवाडा येथे होणार अंत्यसंस्कार (Shaheed Jawan)
जिल्हा सैनिक कल्याण कार्यालयाकडून मिळालेल्या माहितीनुसार गायकर यांचे पार्थिव शुक्रवारी संध्याकाळी पुणे विमानतळावर आणले जाईल. त्यानंतर शनिवारी सकाळी लष्करी इतमामात त्यांच्यावर ब्राह्मणवाडा येथे अंत्यसंस्कार होणार आहेत.