Shahrukh Khan Injured : बॉलिवूडचा किंगखान म्हणजेच अभिनेता शाहरुख (Shahrukh Khan) खानबद्दल मोठी माहिती समोर आली आहे. शाहरुख खान एका सिनेमाच्या शूटिंगवेळी (Film Shooting) जखमी (Injured) झाला आहे. समोर आलेल्या माहितीनुसार, शाहरुख खानला अनेक ठिकाणी स्नायूंना दुखापत झाली आहे. त्यामुळे उपचारांसाठी किंग खानला अमेरिकेला हलवण्यात आलं आहे. शाहरुख मुंबईतील गोल्डन टोबॅगो स्टुडिओमध्ये शूटिंग सुरु असताना जखमी झाला आहे.
शाहरुखला गंभीर इजा झाली नसली तरी खबरदारीचा उपाय म्हणून अमेरिकेला नेण्यात आले आहे. त्यामुळे सिनेमाची शूटिंग दोन महिने पुढे ढकलण्यात आल आहे. सिद्धार्थ आनंद यांच्या दिग्दर्शनाखाली सुरु असलेल्या सिनेमाचं शूटिंग आता दोन महिने पुढे ढकलण्यात आले आहे.
नक्की वाचा : अभिमानास्पद! छत्रपती शिवरायांच्या १२ किल्ल्यांचा युनेस्को यादीत समावेश
शूटिंग करताना शाहरुख खान जखमी (Shahrukh Khan Injured)
समोर आलेल्या माहितीनुसार, “शाहरुख खानला कोणतीही गंभीर दुखापत झालेली नाही, फक्त स्नायूंना ताण आला आहे. गेल्या काही वर्षांमध्ये स्टंट करताना त्यांना अनेकदा दुखापती झाल्या आहेत.” शाहरुखच्या टीमने खबरदारीचा उपाय म्हणून परदेशात उपचार घेण्याचा निर्णय घेतला आहे, जेणेकरून त्यांना उत्तम उपचार मिळू शकतील.
अवश्य वाचा : मोठी बातमी!लाडकी बहीण योजनेतील हजारो अर्ज बाद;नव्या नोंदी बंद
‘किंग’ चित्रपटाचे शूटिंग थांबवले (Shahrukh Khan Injured)
मिळालेल्या माहितीनुसार, डॉक्टरांनी शाहरुख खान यांना किमान एक महिन्याचा संपूर्ण विश्रांती घेण्याचा सल्ला दिला आहे. त्यामुळे ‘किंग’ चित्रपटाचे शूटिंग सध्या थांबवण्यात आले आहे. फिल्म सिटी, गोल्डन टोबॅको आणि वाय आर एफ स्टुडिओ यांसारख्या लोकेशन्स जुलै आणि ऑगस्ट महिन्यांसाठी बुक करण्यात आल्या होत्या. मात्र आता पुढील सूचनेपर्यंत त्या बुकिंग्स रद्द करण्यात आल्या आहेत. पुढील शूटिंग सप्टेंबर किंवा ऑक्टोबर महिन्यात पुन्हा सुरू होण्याची शक्यता आहे.
चित्रपटात कोणकोणते कलाकार झळकणार ? (Shahrukh Khan Injured)
शाहरुख खानच्या बहुचर्चित ‘किंग’ या चित्रपटात अभिषेक बच्चन, राणी मुखर्जी, दीपिका पादुकोण, अरशद वारसी, अभय वर्मा, अनिल कपूर, जॅकी श्रॉफ, राघव जुयाल, जयदीप अहलावत, सौरभ शुक्ला आणि सुहाना खान यांसारखे अनेक दिग्गज कलाकार झळकणार आहेत. हा चित्रपट गांधी जयंती २०२६ रोजी प्रदर्शित करण्याचे लक्ष्य ठेवण्यात आले आहे.
