Shivaji Kardile : नगर : ‘‘आगडगाव (Agadgaon) येथील भैरवनाथ देवस्थानाजवळ दिवसेंदिवस गर्दी वाढत आहे. राज्यभरातून मोठ्या प्रमाणात भाविक येत आहेत. रहदारीचा ताण लक्षात घेता हा रस्ता चौपदरीकरण करणे आवश्यक आहे. या रस्त्यासाठी आमदार विक्रम पाचपुते (Vikram Pachapute) व आम्ही पाठपुरावा करू. लवकरच हा प्रश्न मार्गी लावू,’’असे आश्वासन आमदार शिवाजी कर्डिले (Shivaji Kardile) यांनी दिले.
नक्की वाचा : एचएमपीव्ही व्हायरसपासून वाचण्यासाठी काय करावं आणि काय करू नये ?
आमदार कर्डिले व आमदार पाचपुते यांची लाडू तुला
आमदार कर्डिले व आमदार पाचपुते यांची ग्रामस्थ, देवस्थान व भाविकांच्या वतीने लाडू तुला व देवस्थानाच्या दिनदर्शिकेचे प्रकाशन करण्यात आले. यावेळी ते बोलत होते. दिनदर्शिकेसाठी सहकार्य केलेले डॉ. रावसाहेब बोरुडे, डॉ. सारिका बोरुडे, डॉ. स्मिता पटारे, परमेश्वर पालवे, तसेच मान्यवर या वेळी उपस्थित होते.
अवश्य वाचा : कुकडी-घोड प्रकल्पातून चार आवर्तन सोडण्याचा निर्णय : मंत्री विखे
आमदार पाचपुते म्हणाले, (Shivaji Kardile)
की नवीन वर्षाच्या पहिल्याच रविवारी देवस्थानाजवळ आमचा होत असलेला गौरव संस्मरणीय राहील. हा परिसर डोंगराळ आहे. तो पर्यटकीय दृष्ट्या महत्त्वाचा आहे. यापूर्वी एक कोटींचा निधी मंजूर झाला. यापुढेही आवश्यक ते साह्य करण्यात येईल.
देवस्थानचे अध्यक्ष बलभीम कराळे यांनी प्रास्ताविक केले. पंचायत समितीचे विस्ताराधिकारी चंद्रकांत खाडे, उपाध्यक्ष साहेबराव गायकवाड, सचिव त्रिंबक साळुंके यांनी देवस्थानाच्या उपक्रमाची माहिती दिली. यावेळी विश्वस्त नितीन कराळे, संभाजी कराळे, तुलसीदास बोरुडे, दिलीप गायकवाड, गोरक्षनाथ जाधव, तसेच मान्यवर उपस्थित होते. दिलीप गुगळे यांनी सूत्रसंचालन केले. दरम्यान, नवीन वर्षाच्या पहिल्या रविवारनिमित्त १५१ अन्नदात्यांच्या हस्ते महाआरती करण्यात आली.