Shri Ram Lala : नगर : येथील नवीपेठेतील श्रीराम मंदिरात श्री रामभक्त हनुमान सत्संग मंडळ ट्रस्टतर्फे ७ ते ११ जानेवारी या कालावधीत श्रीरामलल्ला (Shri Ram Lala) प्रतिष्ठा द्वादशी सोहळ्याचे (Dwadasi Mahotsav) आयोजन करण्यात आले आहे. या सोहळ्यात विविध धार्मिक कार्यक्रमाचे (Religious Program) आयोजन करण्यात आले आहे.

अवश्य वाचा : चीनमध्ये ह्युमन मेटापन्यूमो व्हायरसचा हाहाकार; भारताला धोका?

विविध धार्मिक कार्यक्रमांचे आयोजन

या सोहळ्यात मंगळवारी (ता. ७) सकाळी ७.१३ ते बुधवारी (ता. ८) सकाळी ७.१३ असे २४ तास संगीतमय नामस्मरण कार्यक्रम, बुधवारी (ता. ८) रात्री ८ वाजता रामायणाचार्य गोरक्षनाथ दुतारे महाराज यांची श्रीराम भजन सेवा, गुरुवारी (ता. ९) रात्री ८ वाजता स्वामी श्री गोविंददेव गिरी महाराज यांचे शिष्य गिरीराज व्यास हे संगीतमय सुंदरकांड कार्यक्रम होईल.

नक्की वाचा : मोठी बातमी!संतोष देशमुख हत्या प्रकरणातील मुख्य आरोपींना अटक

कार्यक्रमात नगरकरांना सहभागी होण्याचे आवाहन (Shri Ram Lala)

शुक्रवारी (ता. १०) प्रसिद्ध गायक पंडित राजेंद्र शर्मा तसेच प्रसिद्ध गायक सागर शर्मा हे श्रीराम-हनुमान महिमावर आधारित एक शाम प्रभू श्रीराम के नाम ही भजनसंध्या होईल. या कार्यक्रमाचे मुख्य आकर्षण असलेला सामूहिक शंखनाद व असंख्य घंटानाद शनिवारी (ता. ११) सकाळी ९.३० ते दुपारी १२ या कालवधीत होईल. त्याच दिवशी सायंकाळी ७ वाजता महाआरती व ढोल-ताशा वादन कार्यक्रम होणार आहे. तरी या कार्यक्रमात नगरकरांनी सहभागी व्हावे, असे आवाहन आयोजकांतर्फे करण्यात आले आहे.