नगर : सर्वसामान्यांचा प्रवास सुकर करणाऱ्या लाल परीची (ST bus) पुन्हा एकदा भाडेवाढ होणार असल्याचा निर्णय घेण्यात आल्याची माहिती समोर आली आहे. विशेष म्हणजे दिवाळीपूर्वीच (Diwali) प्रवाशांच्या (Passenger) खिशाला ही झळ बसणार आहे. एसटी महामंडळाकडून ‘दिवाळी’साठी १० टक्के भाडेवाढीचा निर्णय घेण्यात आला आहे. दिवाळी सणासाठी एसटी बसने प्रवास करणाऱ्यांची संख्या लाखोंच्या घरात आहे. मात्र,आता एसटीचा प्रवास महागडा प्रवास होणार आहे.
नक्की वाचा: नवरात्रीत भोंडला का खेळतात ? जाणून घ्या सविस्तर…
तिकिटात किती टक्के वाढ ? (ST Bus Fare)
राज्य परिवहन महामंडळाने घेतलेल्या निर्णयानुसार, वातानुकूलित शिवनेरी आणि शिवाई बसेस सोडता सर्वच बसेससाठी १० टक्के दरवाढ लागू करण्यात येत आहे. त्यामुळे, गावखेड्यापासून ते रातराणीने लांब पल्ल्याच्या गाड्यांनी प्रवास करणाऱ्या सर्वच प्रवाशांना या भाडेवाढीचा फटका बसणार आहे. आधीच राज्यातील बळीराजा अतिवृष्टीने खचून गेलेला असताना, त्यात दिवाळीपूर्वीच सार्वजनिक वाहतूक प्रवासाच फटका सर्वसामान्यांना बसणार आहे. या नव्या भाडेवाढ निर्णयानुसार, जिथं १० रुपये तिकीट होतं तिथं आता ११० रुपये दर आकारले जाऊ शकतात. १५ ऑक्टोबर ते ५ नोव्हेंबरपर्यंत ही भाडेवाढ लागू असणार आहे.
अवश्य वाचा: मोठी बातमी!आता लाडक्या बहिणींना मिळणार कर्ज!
२४ जानेवारी पासून एसटीची भाडेवाढ (ST Bus Fare)
राज्यात गतवर्षी एकीकडे टॅक्सी आणि रिक्षा चालक संघटनांकडून प्रवास भाडेवाढीचा प्रस्ताव देण्यात आला असताना दुसरीकडे महाराष्ट्र राज्य मार्ग परिवहन मंडळाकडून देण्यात आलेल्या भाडेवाढीच्या प्रस्तावाला मान्यता देण्यात आली होती. त्यामुळे, नव्या वर्षात एसटीचा प्रवास महागला होता. २४ जानेवारी २०२५ पासून एसटीची भाडेवाढ लागू करण्यात आली होती. त्यावेळी, झालेल्या राज्य परिवहन प्राधिकरणाच्या बैठकीत १४.९५ टक्के तिकीट दरवाढीला मंजुरी मिळाली आहे. त्यासंदर्भातील अधिकृत घोषणाही करण्यात आली होती.
