Sujay Vikhe Patil : श्रीरामपूर : पक्षामध्ये ज्येष्ठ असो, जुना असो नाहीतर नवा असो घरात बसून यापुढे कोणालाही पदं मिळणार नाही, जो काम करेल त्यालाच पद दिले जाईल. तसेच नव्या जुन्यांचा वाद मिटवून पक्षाचे काम करा. या पुढचा नगराध्यक्ष भाजपचाच (BJP) झाला पाहिजे, असे प्रतिपादन माजी खासदार डाॅ. सुजय विखे पाटील (Sujay Vikhe Patil) यांनी केले.

नक्की वाचा : ‘एकनाथ शिंदेंची राजकारणात बिकट अवस्था’- विजय वडेट्टीवार

आपल्याला पुढे-पुढे करणारे लोक आवडत नाही

श्रीरामपूर येथे भाजप पक्षाच्या कार्यकर्त्यांची आज शहासकीय विश्रामगृह येथे  बैठक झाली. यात विखे यांनी कार्यकर्त्यांना चांगल्याच कानपिचक्या दिल्या. विखे पाटील पुढे म्हणाले की भाजप पक्षाची सदस्य नोंदणीमध्ये जो चांगले काम करेल त्यांनाच यापुढे न्याय दिला जाईल. मग तो कोणीही का असेना. पक्षाचे जुने नेते प्रकाश चित्ते यांचे काम आहे. त्यांना बरोबर घ्या. एकत्रित बसून चर्चा करा. आपापसातील मतभेद दूर करून काम करा. नगरपालिका निवडणुकीत आपलाच नगराध्यक्ष झाला पाहिजे. यासाठी कार्यकर्त्यांनी झटून कामाला लागा. आपल्याला पुढे-पुढे करणारे लोक आवडत नाही, काम करणारे लोक आवडतात, असे स्पष्ट मत डॉ. सुजय विखे पाटील यांनी व्यक्त केले.

अवश्य वाचा : ‘सखा’ने पटकाविला ‘अहिल्यानगर महाकरंडक

याप्रसंगी प्रमुख कार्यकर्ते उपस्थित (Sujay Vikhe Patil)

याप्रसंगी नितीन दिनकर, शरद नवले, अभिषेक खंडागळे, रवी पाटील, नाना शिंदे, केतन खोरे, दिपक चव्हाण, मारूती बिंगले, सतीश सौदागर, भाऊ बांद्रे, मिलिंदकुमार साळवे, पुष्पलता हरदास, मंजूश्री ढोकचौळे, विठ्ठल राऊत, आठरे, जितेंद्र छाजेड, मनोज नवले आदींसह प्रमुख कार्यकर्ते उपस्थित होते.