नगर : अभिनेता सुबोध भावे (Subodh Bhave) आणि अभिनेत्री तेजश्री प्रधानचा (Tejashree Pradhan) ‘हॅशटॅग तदैव लग्नम्’ हा चित्रपट प्रदर्शित झाला आहे.२० डिसेंबर रोजी हा चित्रपट संपूर्ण महाराष्ट्रभर वेगवेगळ्या सिनेमागृहात दाखवला जातोय. या चित्रपटातील मुख्य नायिका तेजसश्री प्रधानने महाराष्ट्रात मराठी सिनेमांना थियटर्स मिळत नसल्याची खंत व्यक्त केली आहे.
नक्की वाचा : राज्यात पुढील तीन दिवस अवकाळी पाऊस;हवामान विभागाचा अंदाज
महाराष्ट्रात मराठी सिनेमाला पुरेसे सिनेमागृहं दिली जात नाहीत हे दुर्दैव (Tejashree Pradhan)
तेजश्री प्रधानने इन्स्टाग्रावर एक स्टोरीच्या माध्यमातून तिची खदखद व्यक्त केली आहे. तिने महाराष्ट्रात मराठी सिनेमाला पुरेसे सिनेमागृहं दिली जात नसल्याचं म्हटलं आहे. “पुणे आणि मुंबईमध्ये मिळालेल्या काही मोजक्या सिनेमागृहांमध्ये हॅशटॅग तदैव लग्नम् हा आमचा चित्रपट हाऊसफुल चालू आहे. पण महाराष्ट्रात मराठी सिनेमासाठी थियटर्स उपलब्ध नाहीत हे दुर्दैवी आहे,” असे परखड मत व्यक्त करत तिने आपली खदखद व्यक्त केलीआहे. विशेष म्हणजे तिने पुढच्या काही इन्स्टाग्राम स्टोरीजमध्ये शो हाऊसफुल झालेले स्क्रिनशॉट्स टाकले आहेत.
अवश्य वाचा : ‘ट्राय’चा मोठा निर्णय!आता कॉलिंग आणि एसएमएससाठी मिळणार वेगळे प्लॅन
चित्रपटात ‘हे’ दिग्गज कलाकार (Tejashree Pradhan)
‘हॅशटॅग तदैव लग्नम्’ या चित्रपटाचे दिग्दर्शन आनंद गोखले यांनी केले आहे. तर तेजश्री प्रधान, सुबोध भावे, प्रदीव वेलणकर, मानसी मागीकर, शर्मिष्ठा राऊत यासारखे दिग्गद कलाकार या चित्रपटात आहेत. या चित्रपटात लग्न करण्यासाठी उत्सुक असणाऱ्या तरुण-तरुणींची गोष्ट सांगितलेली आहे. लग्न करतानाच्या अटी, त्या अटी जोडीदाराकडून पूर्ण होतील का? याची भीती, आशा-अपेक्षांचं ओझं अशा सर्वच अंगांनी या चित्रपटात भाष्य करण्यात आलंय.
प्रेक्षकांनी या चित्रपटाच्या कलाकारांची पाठ थोपटली आहे. सर्वांनी उत्तम अभिनय केला असून या चित्रपटाची कथादेखील चांगली आहे,अश्या प्रतिक्रिया प्रेक्षकांनी व्यक्त केल्या आहेत. याआधीही मराठी सिनेमाला सिनेमागृह मिळत नाहीत. अशी खंत अनेक कलाकार,चित्रपट निर्माते आणि दिग्दर्शकांनी बोलून दाखवलेली आहे, असे असताना आता मराठी चित्रपटांना सिनेमागृह मिळत नसल्याची खंत तेजश्री प्रधान यांनी बोलून दाखवल्यामुळे आता नव्या चर्चेला तोंड फुटले आहे.