Journey Movie : सचिन दाभाडे फिल्म प्रस्तुत ‘जर्नी’ चित्रपट (Journey Movie) लवकरच प्रेक्षकांच्या भेटीला येणार आहे. नुकतच या चित्रपटाचे पोस्टर (Poster Release) सोशल मीडियावर झळकले आहे. आयुष्य, नाती आणि कुटुंबाशी असलेला संघर्ष या चित्रपटात दाखवण्यात आला आहे.
नक्की वाचा : ‘होऊ दे धिंगाणा’चं तिसरं पर्व लवकरच होणार सुरु,सिद्धार्थ जाधव घालणार धिंगाणा
चित्रपटात कोण कोण झळकणार ?(Journey Movie)
‘जर्नी’ चित्रपटामध्ये शुभम मोरे, माही बुटाला, निखिल राठोड या बालकलाकारांची प्रमुख भूमिका आहे. या व्यतिरिक्त या चित्रपटात शंतनू मोघे, शर्वरी जमेनीस, अंजली उजवणे, योगेश सोमण, ओमकार गोवर्धन, सुनील गोडबोले, मिलिंद दास्ताने, प्रशांत तपस्वी यांच्याही मुख्य व्यक्तिरेखा आहेत. या चित्रपटाचे लेखन रवींद्र मठाधिकारी यांनी केले आहे. सचिन दाभाडे यांनी कथा, निर्माते, आणि दिग्दर्शकाची धुरा सांभाळली आहे. तर भास्कर देवेंग्रेकर,तानाजी माने, संतोष राठोड,अनिकेत अरविंद बुटाला या चित्रपटाचे सहनिर्माते आहेत.
अवश्य वाचा : ‘वनवास’चित्रपटाच्या प्रदर्शनाची तारीख जाहिर,’या’ दिवशी झळकणार सिनेमागृहात
पोस्टरमध्ये नेमकं काय ? (Journey Movie)
आयुष्याचा किंवा पर्यटनाचा प्रवास असो प्रत्येक अनुभव काही ना काहीतरी शिकवून जातो. या प्रवासात चढउतार येत असतात,तेव्हा अनेक गोष्टींचे महत्व समजते. आयुष्याच्या प्रवासाची अनुभूती देणाऱ्या या चित्रपटाचे पोस्टर प्रदर्शित झाले आहे. त्यात एक लहान मुलगा आणि काळजीत असणारे दोन चेहरे दिसत आहेत. या तिघांच्या आयुष्यातील एक अविस्मरणीय प्रवास आपल्याला या चित्रपटात पाहायला मिळणार आहे. त्यांची ही ‘जर्नी’ त्यांना कोणत्या वळणावर घेऊन जाईल, हे लवकरच कळणार आहे. या चित्रपटाच्या वितरणाची धुरा बॉक्स हिट मुव्हिज च्या अनुप जगदाळे आणि मोनालिसा बागल यांनी सांभाळली आहे. हा चित्रपट येत्या २९ नोव्हेंबरला प्रेक्षकांच्या भेटीला येणार आहे.
दिग्दर्शक सचिन जीवनराव दाभाडे या चित्रपटाबद्दल म्हणतात,”कुटुंब, नाती, भावना आणि स्वतःशी असलेला लढा या चित्रपटात दाखवण्यात येणार आहे. या प्रवासात अनेक भावना उलगडणार असून एक अनोखा प्रवास आपल्या यानिमित्ताने पाहायला मिळणार आहे. एका लहान मुलाच्या आयुष्यातील हा प्रवास आवर्जून पाहावा असा आहे.”