Thief : नगर : साकत (ता. अहिल्यानगर) येथील शेतकऱ्यांच्या २३ सोयाबीनच्या गोण्या चोरणाऱ्या (Thief) दोन आरोपींना स्थानिक गुन्हे शाखेच्या (Local Crime Branch) पथकाने जेरबंद केले. पथकाने त्यांच्याकडून चोरलेल्या १९ सोयाबीनच्या गोण्या हस्तगत केल्या आहेत. अनानाथ गजानन काळे (वय २२) व देवकर गजानन काळे (वय २०, दोघे रा. दहिगाव, ता. अहिल्यानगर) अशी जेरबंद आरोपींची (Accused) नावे आहेत. त्यांचे सहा साथीदार पसार आहेत.
नक्की वाचा: मोठी बातमी!लाडकी बहीण योजनेला स्थगिती,नवे अर्ज स्वीकारणे झालं बंद
सोयाबीनच्या २३ गोण्या केल्या होत्या लंपास
साकत (ता. अहिल्यानगर) येथील सतीश कार्ले यांच्या जनावरांच्या गोठ्यातील सोयाबीन भरलेल्या २३ गोण्या चोरांनी १० ऑक्टोबरला लंपास केल्या होत्या. या प्रकरणी सतीश कार्ले यांनी अहिल्यानगर तालुका पोलीस ठाण्यात फिर्याद दिली होती. त्यानुसार पोलिसांनी चोरीचा गुन्हा दाखल करून घेतला होता. जिल्हा पोलीस अधीक्षक राकेश ओला यांनी या घटनेचा समांतर तपास स्थानिक गुन्हे शाखेकडे सोपवला होता.
अवश्य वाचा: ‘आम्ही राज ठाकरे यांचे भोंगे उतरवू’-सुजात आंबेडकर
सापळा रचून आरोपींना घेतले ताब्यात (Thief)
पथकाने घटनास्थळाची पाहणी केली. पथकाला माहिती मिळाली की, दहिगाव येथील अनानाथ काळे व त्याच्या साथीदारांनी हा गुन्हा केला आहे. आरोपी हे दहिगाव ते वाळकी रस्त्याने जात आहेत. त्यानुसार पथकाने सापळा रचून आरोपींना ताब्यात घेतले. त्यांच्याकडे अधिक विचारपूस केली असता त्यांनी गुन्ह्याची कबुली दिली. चोरला गेलेल्या २३ गोण्यांपैकी १० गोण्या वाळकीतील एका दुकानातून तर ९ गोण्या रुईछत्तीसी येथील एका दुकानातून असा ४६ हजार २२५ रुपयांचा मद्देमाल पथकाने हस्तगत केला. पथकाने पुढील तपासासाठी जेरबंद दोन्ही आरोपींना अहिल्यानगर तालुका पोलिसांच्या ताब्यात दिले आहे.