Vanvass Movie : गदर: एक प्रेम कथा, अपने आणि गदर २ यांसारख्या ब्लॉकबस्टर सिनेमांसह झी स्टुडिओ (Zee Studio)आणि अनिल शर्मा (Anil Sharma) यांनी यशाचा एक अद्भुत फॉर्म्युला निर्माण केला आहे. आणखी एक सिनेमॅटिक चमत्कार घडवून आणत, त्यांनी ‘वनवास’ (Vanvaas) नावाच्या त्यांच्या मोठ्या चित्रपटाची विजयादशमीच्या मुहूर्तावर घोषणा केली होती.आता,कोणताही विलंब न लावता,त्यांनी हा चित्रपट प्रदर्शित करण्याची घोषणा केली आहे. हा चित्रपट २० डिसेंबर रोजी चित्रपटगृहात दाखल होणार आहे.
नक्की वाचा : विधानसभेमुळे पोलिसांच्या सुट्ट्या,रजा २५ नोव्हेंबरपर्यंत रद्द!
चित्रपटात काय असेल? (Vanvaas Movie)
‘वनवास’ ही एक चित्तवेधक कथा आहे, ज्याची संकल्पना ही कालातीत आहे. एका प्राचीन कथेचा प्रतिध्वनी या कथेतून व्यक्त होतो. ज्यात कर्तव्य, सन्मान आणि एखाद्याच्या कृतींचे परिणाम जीवनाचा आगामी मार्ग निश्चित करतात. चित्रपटाकडून असलेल्या वाढत्या अपेक्षेमुळे, निर्मात्यांनी अखेर हा चित्रपट प्रदर्शित करण्याची तारीख निश्चित केली आहे. हा चित्रपट २० डिसेंबर रोजी प्रदर्शित होणार आहे. सोशल मीडियावर या चित्रपटाच्या निर्मात्यांनी ‘वनवास’ च्या प्रदर्शनाची तारीख जाहीर केली.
अवश्य वाचा : राज्यात आज पुन्हा जोरदार पावसाच्या सरी!’या’ जिल्ह्यांना हवामान विभागाचा इशारा
अनिल शर्मा करणार चित्रपटाचे दिग्दर्शन (Vanvaas Movie)
‘गदर’ चित्रपटाचे दिग्दर्शक अनिल शर्मा यांच्याकडून आणखी एक उत्तम चित्रपट दाखल होत आहे. ‘वनवास’ या चित्रपटाची कथा चित्तवेधक आणि खिळवून ठेवेल अशी आहे. या चित्रपटात नाना पाटेकर आणि गदर २ मधील भूमिकेकरता नावाजलेले गेलेले उत्कर्ष शर्मा दिसणार आहेत. अनिल शर्मा लिखित, निर्मित आणि दिग्दर्शित ‘वनवास’ हा चित्रपट ‘झी स्टुडिओज’द्वारे जगभरात प्रदर्शित केला जाणार आहे.