Viral Video : नगर : लहान मुलांच्या लैंगिक शोषणाबाबतचे (Sexual Exploitation) (चाईल्ड पोर्नोग्राफी) व्हिडीओ (Viral Video) सोशल मीडियावर व्हायरल केल्या प्रकरणी चौघा इंस्टाग्रामधारक व्यक्तींविरोधात येथील सायबर पोलीस (Cyber Police) ठाण्यात गुन्हा (Crime) दाखल करण्यात आला आहे. पोलीस अंमलदार निळकंठ रंगनाथ कारखेले यांनी फिर्याद दिली आहे.
अवश्य वाचा : संतोष देशमुख हत्या प्रकरणी अंबादास दानवेंनी केली ‘ही’ मागणी
व्हिडीओ तसेच फोटो हे इंस्टाग्रामच्या माध्यमातून प्रसिध्द केले
आफझान शेख, वैभव कसबे, हर्ष भोगावत व जॅक जॉन अशी गुन्हा दाखल झालेल्या चौघा इंस्टाग्रामधारकांची नावे आहेत. सदरचा प्रकार ता. २५ ऑगस्ट २०२१ ते ३ जुलै २०२३ दरम्यान घडला आहे. मात्र, नॅशनल क्राईम रेकॉड ब्युरो (एनसीआरबी) यांनी दिलेल्या अहवालानंतर १ जानेवारी २०२५ रोजी येथील सायबर पोलिसांनी हा गुन्हा दाखल केला आहे. वरील चार इंस्टाग्राम धारक व्यक्तींनी लहान मुलांच्या लैंगिक शोषणाबाबतचे इलेक्ट्रॉनिक स्वरूपात रेकाँडिंग केलेले व्हिडीओ तसेच फोटो हे इंस्टाग्राम या सोशल मीडियाच्या माध्यमातून प्रसिध्द केले.
नक्की वाचा : शेतीचे उत्पादन वाढविण्यास केंद्र शासनाचे सर्वोच्च प्राधान्य: चौहान
सायबर पोलिसांनी केला गुन्हा दाखल (Viral Video)
सदरचे व्हिडीओ व फोटो इंस्टाग्राम कंपनीने हटवून तसा अहवाल नॅशनल क्राईम रेकॉड ब्युरो (एनसीआरबी) यांना सादर केला. त्यांनी संबंधीत व्यक्तीचे तांत्रिक विलेश्षण करून राज्य सायबर पोलिसांना याची माहिती दिली. संबंधीत व्यक्ती अहिल्यानगर जिल्ह्यातील रहिवाशी असल्याने सायबर विभागाचे विशेष पोलीस महानिरीक्षक यांनी तसा अहवाल अहिल्यानगर जिल्हा पोलिसांकडे पाठविला. पोलीस अधीक्षक राकेश ओला यांच्या आदेशाने सायबर पोलिसांनी गुन्हा दाखल केला आहे. अधिक तपास पोलीस निरीक्षक मोरेश्‍वर पेंदाम करत आहेत.