Walmik Karad : नगर : संतोष देशमुख खून (Santosh Deshmukh Murder) प्रकरणात जेलमध्ये असलेल्या वाल्मिक कराडच्या (Walmik Karad) अडचणी आणखी वाढणार आहे. कराडचे जुने सहकारी विजयसिंह (बाळा) बांगर (VijaySingh Bala Bangar) यांनी पत्रकार परिषद घेऊन धक्कादायक खुलासा केला आहे. वाल्मिक कराडला धनंजय मुंडेंचे (Dhananjay Munde) पीए प्रशांत जोशी यांना देखील मारायचे होते, असा आरोप विजयसिंह बांगर यांनी पत्रकार परिषदेत केला आहे.

नक्की वाचा : रेल्वेभाडेवाढ ते तत्काळ तिकीट;भारतीय रेल्वेच्या नियमामध्ये आजपासून मोठे बदल

वाल्मीक कराडचा फोन न उचलल्याने राग

वाल्मिक कराडला धनंजय मुंडेंचे पीए प्रशांत जोशी यांना देखील मारायचे होते, असा आरोप विजयसिंह बांगर यांनी केला आहे. या आरोपामुळे एकच खळबळ उडाली आहे. तसंच, धनंजय मुंडेंचे पीए प्रशांत जोशी यांनी वाल्मीक कराडचा फोन न उचलल्याने त्याचा इगो हर्ट झाला. कराड आणि जोशी यांचे विचार आधीच जुळत नव्हते. त्यामुळे वाल्मिक कराडने धनंजय मुंडेंकडे तक्रार करत जोशींना काढून टाकण्याची मागणी केली होती. परंतु धनंजय मुंडेंनी तसं केलं नाही. त्यामुळे चिडलेल्या कराडने जोशीचा काटा काढायचा आहे, असं माझ्याकडे म्हटलं होतं, असं बांगर यांनी सांगितलं.

अवश्य वाचा : शनैश्वर देवस्थान विरोधात विशाल सुरपुरिया यांची धर्मादाय आयुक्तांकडे तक्रार

बांगर म्हणाले की, (Walmik Karad)

मी वाल्मीक कराडचं काम करत नसल्याने आणि त्याचं ऐकत नसल्याने त्याने माझ्यासमोर पिस्तूल ठेवली आणि मला म्हणाला गोळी झाडून घे, किंवा तुझ्या शैक्षणिक संस्था मला दे नाहीतर तुझ्यावर बलात्काराचा गुन्हा टाकून तुला अडकवतो असा देखील धक्कादायक खुलासा यावेळी केला आहे.

त्याचबरोबर बाळा बांगर यांनी कुणा-कुणाला त्रास दिला. आपल्या आईला अटक केली याचाही उल्लेख त्यांनी यावेळी केला. ते म्हणाले, माझ्यासमोर वाल्मीक कराडने तिघांना मारलं, त्याचा मी साक्षीदार आहे. महादेव मुंडेंना मारल्यानंतर वाल्मीक कराडच्या टेबलवर त्याचं कातडं, हाड आणि रक्त आणून ठेवलं होतं. यानंतर वाल्मिक कराडने मारणाऱ्यांना शाबासकी दिली आणि गाड्याही गिफ्ट दिल्या, असा थेट गौप्यस्फोट बांगर यांनी केलाय. या पत्रकार परिषदेत वाल्मिक कराडची एक कॉल रेकॉर्डिंग देखील त्यांनी ऐकवली, त्यामध्ये कराड हा शिविगाळ करताना दिसत आहे.