WhatsApp : नगर : आजच्या डिजिटल युगात लहान मुलांच्या हातात मोबाईल (Mobile) असणे ही सामान्य बाब झाली आहे. मात्र, मुलं व्हॉट्सॲपवर नक्की कोणाशी बोलतात? कोणत्या ग्रुपमध्ये सामील आहेत? या विचाराने पालकांची चिंता सतत वाढत असते. पालकांची हीच अडचण ओळखून व्हॉट्सॲपने (WhatsApp) आता एक ऐतिहासिक पाऊल उचलले आहे. व्हॉट्सॲपने १३ वर्षांखालील मुलांसाठी ‘पॅरेंट मॅनेज्ड अकाउंट्स’ (Parent Managed Accounts) हे नवीन फीचर लाँच केले आहे.
नक्की वाचा : महागाई व गॅस दरवाढीविरोधात राहाता तहसीलवर महाविकास आघाडीचा एल्गार
काय आहे हे नवीन फीचर?
सोप्या भाषेत सांगायचे तर, आता तुमच्या मुलांचे व्हॉट्सॲप खाते तुमच्या पूर्णपणे नियंत्रणात असेल. या फीचरमुळे मुलांच्या चॅटिंग ॲक्टिव्हिटीवर पालकांना थेट देखरेख ठेवता येईल. यात सर्वात महत्त्वाचा बदल म्हणजे, जर एखाद्या अनोळखी व्यक्तीने तुमच्या मुलाला मेसेज केला, तर तो मेसेज स्वीकारायचा की नाही, याचा अंतिम निर्णय पालकांचा असेल.
📣 अहिल्यानगर जिल्ह्यातील अपडेट्स मिळविण्यासाठी क्लिक करा
🪀 https://chat.whatsapp.com/D9yG5gFstDCESNfitc3gt9
6 अंकी ‘पॅरेंट पिन’ आवश्यक (WhatsApp)
मुले हुशार असतात, ती स्वतःच सेटिंग बदलतील का? या प्रश्नाचे उत्तर ‘नाही’ असे आहे. या कंट्रोल फीचरसाठी व्हॉट्सॲपने 6 अंकी ‘पॅरेंट पिन’ (Parent PIN) ची सुविधा दिली आहे. हा पिन फक्त पालकांनाच माहीत असेल. त्यामुळे पालकांनी लावलेली कोणतीही सेटिंग मुले स्वतःहून बदलू शकणार नाहीत. विशेष म्हणजे, मुलांचे वैयक्तिक चॅट्स नेहमीप्रमाणे ‘एंड-टू-एंड एनक्रिप्टेड’ राहतील, ज्यामुळे सुरक्षिततेशी कोणतीही तडजोड होणार नाही.
काही फीचर्स पूर्णपणे असतील बॅन
पोरांच्या या अकाउंटमध्ये काही गोष्टी पूर्णपण बॅन असतील. ज्यात मुलं Status ठेवू शकणार नाहीत, Channels बघू शकणार नाहीत आणि Meta AI सुद्धा वापरू शकणार नाहीयेत. एवढंच नाही, तर चॅटिंगमधले मेसेज आपोआप गायब होणारे म्हणजेच Disappearing Messages फिचर सुद्धा बंद असेल. म्हणजे पोरांनी कोणाशी काय गप्पा मारल्या, याचा हिशोब पालकांना असेल.
कसे सुरू करायचे हे फीचर? (स्टेप-बाय-स्टेप प्रोसेस)
जर तुम्हालाही तुमच्या मुलांच्या सुरक्षिततेसाठी हे फिचर सुरू करायचे असेल, तर खालील सोप्या स्टेप्स फॉलो करा.
मुलांच्या फोनमधील सेटिंगमध्ये
१. प्रथम व्हॉट्सॲप डाऊनलोड करून ‘Agree and Continue’ वर टॅप करा.
२. कोपऱ्यातील तीन डॉट्सवर क्लिक करून ‘Create a Parent Managed Account’ हा पर्याय निवडा.
३. मुलाचा नंबर टाकून तो व्हेरीफाय करा आणि जन्मतारीख टाकून वय कन्फर्म करा.
पालकांच्या फोनशी लिंक करण्याची प्रक्रिया
१. मुलाच्या फोनवर आता एक QR Code दिसेल, तो तुमच्या (पालकांच्या) फोनने स्कॅन करा.
२. पालक म्हणून तुमची ओळख व्हेरीफाय करा.
३. तुमचा स्वतःचा 6 अंकी ‘पॅरेंट पिन’ तयार करा.
४. शेवटी मुलाच्या फोनमध्ये तो पिन एंटर करा. यानंतर मुलाचे नाव आणि फोटो सेट करून तुम्ही खाते लिंक करू शकता.
