नगर : नेहमीच आपल्या अतरंगी स्टाईलने उर्फी जावेद चर्चेत असते. बिग बॉस ओटीटीच्या माध्यामातून उर्फी जावेदला चांगली प्रसिद्धी मिळाली होती. तेव्हापासून ती आतापर्यंत नेहमीच चर्चेत राहते. उर्फी जावेद आपल्या आगळ्या वेगळ्या ड्रेसिंग स्टाइलमुळे अनेकदा ट्रोल देखील होते. मात्र आता हीच उर्फी जावेद बॉलिवूडमध्ये (Bollywood) डेब्यू करण्यासाठी सज्ज झाली आहे. एका चित्रपटाच्या माध्यमातून उर्फी जावेद प्रेक्षकांसमोर येणार आहे.
नक्की वाचा : निलेश लंकेंनी चुकीची भूमिका घेऊ नये ;अजित पवारांचा इशारा
२०१० मध्ये रिलीज झालेल्या ‘लव्ह सेक्स और धोखा’ या चित्रपटाचा सिक्वेल प्रेक्षकांच्या भेटीला येणार आहे. या सिक्वेलमधून उर्फी जावेद ही बलिवूडमध्ये पदार्पण करणार आहे. ‘लव्ह सेक्स और धोखा’ या चित्रपटाच्या पहिल्या भागात प्रेम आणि वेडेपणाची कथा मांडण्यात आली होती. आता ‘लव्ह सेक्स और धोखा २’ (Love, Sex, Dhoka 2) या चित्रपटात आजच्या पिढीची कथा मांडण्यात येणार आहे. इंटरनेट आणि सोशल मीडिया याबद्दल देखील या सिनेमात दाखवण्यात येणार आहे.
लव्ह सेक्स और धोखा २ ची कथा काय ? (Urfi Javed)
लव्ह सेक्स और धोखा २ या चित्रपटात आजच्या जगात इंटरनेट आणि सोशल मीडियाचे असणारे वर्चस्व प्रेक्षकांना पाहायला मिळेल. तुषार कपूर आणि मौनी रॉय यांचा कॅमिओ या चित्रपटात असणार आहे, असंही म्हटलं जात आहे. तसेच उर्फी जावेद या चित्रपटाद्वारे बॉलिवूडमध्ये पदार्पण करणार असल्याचे निर्मात्यांनी सांगितले.
उर्फीने ‘या’ मालिकेत केले काम (Urfi Javed)
उर्फी जावेदच्या कामाबद्दल सांगायचे झाले तर, ‘ऐ मेरे हमसफर’, ‘चंद्र नंदिनी’, ‘मेरी दुर्गा’, ‘साथ फेरों की हेरा फेरी’, ‘बेपनाह’, ‘डायन’, ‘ये रिश्ता क्या कहलाता है’,’बडे भैया’ यासारख्या टीव्ही मालिकांमध्ये तिने काम केले आहे. मात्र आता या चित्रपटाद्वारे उर्फी पहिल्यांदाच मोठ्या पडद्यावर दिसणार आहे. बालाजी टेलिफिल्म्स आणि कल्ट मुव्हीजचा ‘लव्ह सेक्स और धोखा २’ हा चित्रपट दिबाकर बॅनर्जी प्रोडक्शनमध्ये तयार करण्यात येणार आहे. या चित्रपटाची निर्मिती एकता आर कपूर आणि शोभा कपूर यांनी केली आहे. तर दिग्दर्शन दिबाकर बॅनर्जी यांनी केले आहे. हा चित्रपट १९ एप्रिल २०२४ रोजी प्रदर्शित होणार आहे.
अवश्य वाचा : शरद पवारांचे नाव व फोटो वापरणार नाही याची हमी द्या; सुप्रीम कोर्टाने अजित पवार गटाला फटकारले