कोड रेड
AMC : नगर : अहिल्यानगर शहराला पाणी पुरवठा करणाऱ्या मुळा धरणावरील (Mula Dam) महापालिकेच्या पंपांपैकी एक पंप आज (ता. १०) बिघडला आहे. हा पंप दुरुस्तीचे काम सुरू असल्याने अहिल्यानगर शहरातील विविध भागात पाणी पुरवठा (Water Supply) एक दिवस विलंबाने होईल, अशी माहिती अहिल्यानगर महापालिकेकडून (AMC) देण्यात आली आहे.

नक्की वाचा : राजधानी दिल्लीला अलर्ट;लाल किल्ला,कुतुब मिनार सह ऐतिहासिक इमारतींच्या सुरक्षेत वाढ

महापालिकेतर्फे पंप दुरस्तीचे काम

महापालिकेतर्फे पंप दुरस्तीचे काम हाती घेण्यात आले आहे. याच कालावधीत महापालिकेकडून शहर पाणी पुरवठा योजनेवरील महत्त्वाची दुरुस्तीची कामे करण्यात येतील. त्यामुळे या कालावधीत मुळानगर, विळद येथून होणारा पाण्याचा उपसा बंद राहणार असल्याने शहर पाणी वितरणासाठीच्या टाक्या भरता येणार नाही. 

अवश्य वाचा : पाकिस्तानचा भारतावर ‘डान्स ऑफ द हिलरी’ व्हायरसद्वारे सायबर हल्ल्याचा डाव?

भागाला पाणी पुरवठा रविवारी (ता. ११) होईल (AMC)

शनिवारी (ता. १०) बोल्हेगाव, नागापूर, सावेडी उपनगरातील गुलमोहर रस्ता, पाईपलाईन रस्ता, लक्ष्मीनगर, सूर्यनगर, निर्मलनगर, मुकुंदनगर, सारसनगर, बुरूडगाव रस्ता, केडगाव, नगर-कल्याण रस्त्यावरील शिवाजीनगर आदी भागाला पाणी पुरवठा होऊ शकणार नाही. या भागाला पाणी पुरवठा रविवारी (ता. ११) होईल.

रविवारी (ता. ११) शहरातील सिद्धार्थनगर, लालटाकी, तोफखाना, दिल्लीगेट, नालेगाव, चितळे रस्ता, आनंदीबाजार, कापड बाजार, ख्रिस्त गल्ली, पंचपीर चावडी, जुने महापालिका कार्यालय परिसर, माळीवाडा, बालिकाश्रम रस्ता व सावेडी या भागांना पाणी पुरवठा होणार नाही. त्या ऐवजी या भागाला सोमवारी (ता. १२) पाणी पुरवठा होणार आहे.

महापालिकेच्या पाणी पुरवठा विभागाकडून आवाहन
सोमवारी (ता. १२) शहरातील मंगलगेट, रामचंद्र खुंट, झेंडीगेट, जुने जिल्हाधिकारी कार्यालय परिसर, डाळ मंडई, काळू बागवान गल्ली, धरती चौक, बंगाल चौकी, माळीवाडा, कोठी या भागात व गुलमोहर रस्ता, प्रोफेसर कॉलनी परिसर, प्रेमदान हडको, सिव्हिल हडको, टीव्ही सेंटर, मुन्सिपल हडको, आगरकर मळा, विनायक नगर आदी भागांना पाणी पुरवठा होणार नाही. त्या ऐवजी या भागाला मंगळवारी (ता. १३) पाणी पुरवठा होईल. तरी नागरिकांनी काटकसरीने पाण्याचा वापर करावा, असे आवाहन महापालिकेच्या पाणी पुरवठा विभागाकडून करण्यात आले आहे.