Fighter : नगर : अभिनेता हृतिक रोशन (Hrithik Roshan) आणि अभिनेत्री दीपिका पादुकोण (Deepika Padukone) यांच्या ‘फायटर’ (Fighter) या चित्रपटाची प्रेक्षक आतुरतेने वाट बघत आहेत. अशातच या चित्रपटाचा टीझर आज रिलीज करण्यात आला आहे. या टीझरमधील हृतिक आणि दीपिकाच्या अभिनयाने अनेकांचे लक्ष वेधले आहे. या चित्रपटात हृतिक आणि दीपिका पहिल्यांदाच स्क्रिन शेअर करत आहेत.
नक्की वाचा : शेतकऱ्यांच्या प्रश्नावर सरकार असंवेदनशील : बाळासाहेब थोरात
‘फायटर’ या चित्रपटाच्या निर्मात्यांनी आज चित्रपटाचा टीझर रिलीज केला आहे. या १ मिनिट १३ सेकंदाच्या टीझरमध्ये हृतिक रोशन, दीपिका पदुकोण आणि अनिल कपूर यांच्या दमदार लूकनं अनेकांचे लक्ष वेधले आहे. टीझरमध्ये हृतिक रोशन हा हातात राष्ट्रध्वज घेऊन हेलिकॉप्टरमधून उतरताना दिसत आहे. या सीनच्या बॅकग्राऊंडला वंदे मातरम हे संगीत ऐकू येते. दिग्दर्शक सिद्धार्थ आनंद यांनी या चित्रपटाचे दिग्दर्शन केले आहे.
अवश्य वाचा : धुक्यामुळे पिकांवर रोगांचा प्रादुर्भाव वाढला
‘फायटर’ या चित्रपटाच्या टीझरमध्ये हृतिक आणि दीपिकाची जबरदस्त केमिस्ट्री दाखवण्यात आली आहे. दीपिकानं फायटर या चित्रपटाचा टीझर सोशल मीडियावर शेअर केला आहे. या चित्रपटात हृतिक हा स्क्वाड्रन लीडर समशेर पठानिया उर्फ पॅटी या भूमिकेत तर दीपिका पादुकोण ही स्क्वाड्रन लीडर मीनल राठोड उर्फ मिनी ही भूमिका साकारणार आहे. या चित्रपटात अनिल कपूर हे कमांडिंग ऑफिसर कॅप्टन राकेश जयसिंह उर्फ रॉकी या दमदार भूमिकेत दिसणार आहे. हा चित्रपट २५ जानेवारी २०२४ रोजी प्रेक्षकांच्या भेटीला येणार आहे.