Operation Sindoor Movie : जम्मू काश्मीरच्या पहलगाम येथे पर्यटकांवर (Pahalgam Attack) झालेल्या दहशतवादी हल्ल्यानंतर भारताने पाकिस्तानला प्रत्युत्तर देण्यासाठी ‘ऑपरेशन सिंदूर’ ला (Operation Sindoor) सुरुवात केली आहे. याच रूपांतर आता युद्धात झालं आहे. भारतीय सैन्याच्या ‘ऑपरेशन सिंदूर’ला पडद्यावर दाखवण्यासाठी बॉलिवूडमध्ये स्पर्धा निर्माण झाली आहे.’ऑपरेशन सिंदूर’शी निगडीत टायटल मिळवण्यासाठी (Operation Sindoor Movie Titles) आता मोठी स्पर्धा लागली आहे.
नक्की वाचा : ‘मंगलाष्टका रिटर्न्स’ चित्रपटाचा ट्रेलर लाँच;एका घटस्फोटाची गोष्ट मोठ्या पडद्यावर उलगडणार
‘ऑपरेशन सिंदूर’ वर सिनेमा बनवण्यासाठी निर्मात्यांनी केलं रजिस्ट्रेशन (Operation Sindoor Movie)
अभिनेता जॉन अब्राहिम, सुनील शेट्टी आणि आदित्य धर यांच्यासारख्या निर्मात्यांनी यावर सिनेमा बनवण्यासाठी रजिस्ट्रेशन केलं आहे. ‘ऑपरेशन सिंदूर’, ‘मिशन सिंदूर’ और ‘सिंदूर :द रीवेंज’, अशी नाव रजिस्ट्रेशन करण्यात आली आहेत. इंडियन मोशन पिक्चर प्रोड्यूसर्स असोसिएशन, इंडियन फिल्म अँड टेलिव्हिजन प्रोड्यूसर्स कौन्सिल आणि वेस्टर्न इंडिया फिल्म प्रोड्यूसर्स असोसिएशन यांना ‘ऑपरेशन सिंदूर’शी संबंधित चित्रपटांच्या शीर्षकांच्या नोंदणीसाठी मोठ्या संख्येने अर्ज प्राप्त झाले आहेत.
अवश्य वाचा : पाकिस्तानचा भारतावर ‘डान्स ऑफ द हिलरी’ व्हायरसद्वारे सायबर हल्ल्याचा डाव?
३० हून अधिक टायटल्ससाठी अर्ज (Operation Sindoor Movie)
आयएमपीपीएचे सचिव अनिल नागरथ म्हणाले,’आम्हाला ३० हून अधिक टायटल्साठी अर्ज मिळाले आहेत. ही संख्या ५०-६० पर्यंत पोहोचू शकते. बहुतेक लोक ‘ऑपरेशन सिंदूर’ आणि ‘मिशन सिंदूर’ या नावासाठी अर्ज करत आहेत. ते म्हणाले की,एखादी व्यक्ती एकापेक्षा जास्त टायल्ससाठी अर्ज करू शकते,परंतु जो प्रथम अर्ज करतो त्याला टायटल मिळते.
दिग्दर्शक आणि सिनेनिर्मात्यांनी ऑपरेशन सिंदूरवर सिनेमा बनवण्यासाठी योजना आखली आहे. सध्या ऑपरेशन सिंदूर भारतासाठी गर्वाचा विषय आहे. कारगील,उरी, कुंभ आणि इतर काही सिनेमांच्या टायटल्ससाठी अर्ज प्राप्त झाल्याचं ही नागरथ यांनी सांगितलं आहे. सध्या ज्या शीर्षकांसाठी अर्ज मागवले जात आहेत त्यात ‘हिंदुस्तान का सिंदूर’, ‘मिशन ऑपरेशन सिंदूर’ आणि ‘सिंदूर का बदला’ यांचा समावेश आहे. पहलगामच्या नावाने ‘पहलगाम:द टेरर अटॅक’, ‘पहलगाम अटॅक’ आणि इतर टायटल्ससाठीही अर्ज प्राप्त झाले आहेत.