Sanjay Raut : देवेंद्र फडणवीस (Devendra Fadnavis) आणि एकनाथ शिंदे (Eknath Shinde) यांच केंद्रात वजन आहे, अमित शहा यांच्याकडे वजन आहे. हा विषय जर केंद्रात असेल तर केंद्र तुमचंच आहे, विरोधी पक्षात असताना मागण्या मान्य करु हे सांगणारे तुम्हीच होतात, त्यामुळे आरक्षणासाठी संविधानात बदल का करत नाही ? अशी विचारणा शिवसेना खासदार संजय राऊत (Sanjay Raut) यांनी केली. आजचे सत्ताधारी पक्ष एकत्रित राजकीय पोळी भाजून घेत आहेत. आज समाज रस्त्यावर, चिखलात आहे पण यांना समाजाविषयी कोणतीच सहानभूती दिसत नसल्याचे देखील त्यांनी सांगितले.
नक्की वाचा : मनोज जरांगे पाटील यांच्या मागण्या काय ? व सरकारची भूमिका काय ?
आपली राजकीय इच्छाशक्ती अरबी समुद्रात बुडाली (Sanjay Raut)
संजय राऊत म्हणाले की, फडणवीस सरकारने मराठा आंदोलनाला एक दिवसाची मुदतवाढ दिली म्हणजे मेहरबाणी केली म्हणावं लागेल. मोठ्या संख्येने आंदोलक येत आहेत, मात्र ते कोणाला त्रास देत नाही आहेत. फडणवीस म्हणतात, आंदोलनावर कोणी पोळी भाजू नये, पण कोण भाजतंय? आपली राजकीय इच्छा शक्ती असती तर एक दिवसात आरक्षण देऊ शकला असता. आपली राजकीय इच्छाशक्ती अरबी समुद्रात बुडाली आहे, आपण तर राजकीय इच्छाशक्तीचे महामेरू आहात. आपण सत्तेत आहात तरीही दोन समाजात आग लावण्याचं आणि तेढ निर्माण करण्याच काम आपण करत आहात,असं ते म्हणालेत.
अवश्य वाचा : मराठा आंदोलनामुळे मुंबईत वाहतूक कोंडी,पहा कोणते रस्ते बंद?
मुख्यमंत्र्यांनी सर्व विरोधी पक्ष नेत्यांशी चर्चा करायला हवी (Sanjay Raut)
संजय राऊत यांनी सांगितले की, यांनी आम्हाला संविधान सांगू नये, संविधान बदलायला तुम्ही निघाले होते. महाराष्ट्रातील मराठा समाज आर्थिक आणि सामाजिक मागण्यांसाठी रस्त्यावर उतरला आहे, मग त्यासाठी संविधान बदलायला काय हरकत आहे? राज्याच्या मुख्यमंत्र्यांनी सर्व विरोधी पक्ष नेत्यांशी चर्चा करायला हवी, सर्वांना एकत्रित घेऊन जरागे पाटील यांची भेट घ्यायला हवी. शिंदे आंदोलकांना मदत करत आहेत, फडणवीस यांना अडचणीत आणण्यासाठी आणि अजित पवार चीनच्या भिंती प्रमाणे तटस्थ आहेत, ही आहे का राजकीय ईच्छाशक्ती? अशी विचारणा त्यांनी केली.
