Kiran Kale : नगर : कोतवाली पोलीस ठाण्यात (Kotwali Police Station) मध्यरात्री गोंधळ घालणाऱ्या शिवसेना ठाकरे गटाचे अहिल्यानगर शहर प्रमुख किरण गुलाबराव काळे (Kiran Kale) व त्यांचा भाऊ नितीन गुलाबराव काळे (रा. भुतकरवाडी, सावेडी) यांच्या विरोधात सरकारी कामात अडथळा आणल्या प्रकरणी कोतवाली पोलीस ठाण्यात गुन्हा दाखल (Crime Filed) करण्यात आला आहे. याबाबत पोलीस अंमलदार रामनाथ हंडाळ यांनी याबाबत फिर्याद दिली आहे. 

अवश्य वाचा : बीड ते अहिल्यानगर रेल्वे सुरु; प्रवास भाडे किती? जाणून घ्या सविस्तर…

मिळालेल्या माहितीनुसार,

अंमलदार हंडाळ हे कोतवाली पोलीस ठाण्यात नेमणुकीस असून मंगळवारी (ता. १६) रात्री 8 वाजल्यापासून ते बुधवारी (ता. १७) सकाळी ८ वाजेपर्यंत ठाणे अंमलदार मदतनिस म्हणून ड्युटीवर होते. त्यांच्यासोबत अंमलदार यु. ए. गायकवाड ठाणे अंमलदार म्हणून तर महिला अंमलदार पूजा दिग्गत सीसीटीएनएस ड्युटीवर होत्या. बुधवारी १२.४० वाजता महेंद्र संतोष उपाध्याय (रा. केडगाव, अंबिकानगर) यांनी नितीन काळे यास कोतवाली पोलीस ठाण्यात आणले. त्या वेळी नितीन काळे हा मादक पदार्थांच्या अमलाखाली असल्याचे निदर्शनास आले.

नक्की वाचा: ‘त्या’ नराधमावर कठोर कारवाई करावी; आमदार भरत गोगावले यांची प्रतिक्रिया

पोलिसांवर धावून जात केल्याचे धक्काबुक्की फिर्यादीत नमूद (Kiran Kale)

तक्रार नोंदवित असताना नितीन काळे यांनी पोलिसांवर धावून जात शिवीगाळ व धक्काबुक्की केली. घटनास्थळी नितीनचा भाऊ शहर प्रमुख किरण काळे हे देखील आले. त्यांनी तक्रारदार उपाध्याय यांना उद्देशून अपशब्द वापरत शिवीगाळ केल्याचे फिर्यादीत नमूद आहे. गस्तीवरील अंमलदार संदीप पितळे, संकेत धिवर, गायकवाड तसेच इतरांनी सोडवण्याचा प्रयत्न केला. मात्र, नितीन काळे व किरण काळे यांनी पोलिसांवरही शिवीगाळ करून धक्काबुक्की केली. एवढेच नव्हे तर तुम्ही येथे नोकरी कशी करता तेच पाहतो अशी धमकी दिली. या प्रकारामुळे पोलीस ठाण्यात गोंधळाचे वातावरण निर्माण झाले. परिस्थिती नियंत्रणात आणण्यासाठी पोलीस निरीक्षक प्रताप दराडे यांनी घटनास्थळी येऊन शांतता राखण्याचे निर्देश दिले. सरकारी कामात अडथळा आणणे, पोलिसांवर हल्ला करणे तसेच धमक्या दिल्याप्रकरणी नितीन काळे व किरण काळे यांच्याविरोधात गुन्हा दाखल करण्यात आला आहे.