Anti-Corruption Department : नगर : सातबारा नोंदीसाठी आठ हजारांची लाच (Bribery) घेणारा ग्राम महसूल अधिकारी लाचलुचपत प्रतिबंधक विभागाच्या (Anti-Corruption Department) पथकाने ताब्यात घेतला आहे. ही कारवाई बुधवारी (ता. १७) पारनेर तालुक्यातील वाडेगव्हान येथे करण्यात आली. दीपक भिमाजी साठे (वय-३६, रा. हंगा, ता. पारनेर) असे लाच घेतलेल्या ग्राम महसूल अधिकाऱ्याचे (Village Revenue Officer) नाव आहे.
अवश्य वाचा: शहरात नागरी सुविधांचा बोजवारा; शहर भाजपने आक्रमक होत आयुक्तांना घातला घेराव
सातबारा नोंद घेण्यासाठी १० हजार रूपयांची मागणी
तक्रारदाराने आपला मुलगा व दोन पुतण्यांच्या नावे १ एकर २० गुंठे जमीन खरेदी केली होती. या खरेदी खताचा फेरफार करून सातबारा नोंद घेण्यासाठी ग्राम महसुल अधिकारी साठे यांनी १० हजार रूपयांची मागणी केली. तक्रारदाराने याबाबत लाचलुचपत प्रतिबंधक विभाग, अहिल्यानगर येथे तक्रार दाखल केली.
नक्की वाचा : आमदार रोहित पवारांच्या आमसभेत नागरिकांचा तक्रारींचा भडीमार
पंचासमक्ष लाच घेताना पकडले (Anti-Corruption Department)
तक्रारीची खात्री करण्यासाठी पडताळणी करण्यात आली असता साठे यांनी प्रत्यक्षात १० हजार रूपयांची मागणी केली. पुढे तडजोड करून ८ हजार रूपय घेण्याची सहमती दिली. लाचलुचपत प्रतिबंधक विभागाच्या पथकाने सापळा रचून पंचासमक्ष साठेला लाच घेताना पकडले. ही कारवाई पोलीस उपअधीक्षक अजित त्रिपुटे यांच्या मार्गदर्शनाखाली पोलीस निरीक्षक राजू आल्हाट यांच्या पथकाने केली. याबाबत सुपा पोलीस ठाण्यात गुन्हा दाखल करण्यात आला आहे.
