Crime : नगर : लग्न करण्याचे आमिष दाखवून शिक्षिकेची सुमारे २२ लाख रुपयांची फसवणूक (Fraud) केल्याचा धक्कादायक प्रकार उघडकीस आला आहे. सावेडी उपनगरात राहत असलेल्या व राहुरी तालुक्यातील एका जिल्हा परिषद शाळेत शिक्षिका असलेल्या ४२ वर्षीय पीडितेने सोमवारी (ता. २२) दिलेल्या फिर्यादीवरून तोफखाना पोलीस ठाण्यात (Tofkhana Police Station) तिघांविरूध्द गुन्हा (Crime) दाखल करण्यात आला आहे.
अवश्य वाचा: लैंगिक अत्याचार करणाऱ्या आरोपीच्या क्रूरतेचा कळस; खून करून मृतदेह पुरल्याचे तपासात उघड
कुटुंबीयांनी लग्नासाठी संमती दिल्याचे दाखवून विश्वास संपादन
अक्षय रामदास काळे, सविता रामदास काळे व सुप्रिया रामदास काळे (सर्व रा. काळेवाडी, अस्तगाव, ता. पारनेर) असे गुन्हा दाखल झालेल्या संशयित आरोपींची नावे आहेत. फिर्यादीने पहिल्या पतीपासून घटस्फोट घेतला आहे. सन २०१९ मध्ये नगर-मनमाड रस्त्यावरील एका चहाच्या दुकानावर त्यांची ओळख अक्षय काळे याच्याशी झाली. त्यानंतर दोघांत फोनवर बोलणे सुरू झाले. फिर्यादीने आपले वैवाहिक जीवन सांगूनही अक्षय व त्याच्या कुटुंबीयांनी लग्नासाठी संमती दिल्याचे दाखवून विश्वास संपादन केला.
नक्की वाचा : लाडक्या बहिणींनी ई-केवायसी प्रक्रिया कशी करावी ? जाणून घ्या सविस्तर…
आरोपींकडून वेळोवेळी पैशांची मागणी (Crime)
दरम्यान, त्यानंतर वेगवेगळ्या कारणांनी कर्जफेड, दागिने खरेदी व दुकान घेण्यासाठी अक्षयने वेळोवेळी फिर्यादीकडून रोख तसेच ऑनलाईन मोठी रक्कम घेतली. फिर्यादीने १ तोळ्याची सोन्याची चैन, ५० हजार रूपये रोख, त्यानंतर ४५ हजार रूपये, तसेच प्राथमिक शिक्षक बँक, कोपरगाव येथून सुमारे २२ लाख रूपये कर्ज काढून अक्षय काळे, त्याची आई सविता काळे व बहीण सुप्रिया काळे यांच्या खात्यावर पाठविले. दरम्यान, लग्नाचे खोटे आश्वासन देऊन पैसे घेऊन वेळोवेळी संशयित आरोपींकडून आणखी पैशांची मागणी करण्यात आली. महिन्याला ४० हजार रूपये देण्यास भाग पाडण्यात आले, असा आरोपही फिर्यादीने केला आहे. या प्रकरणी तोफखाना पोलिसांनी गुन्हा दाखल केला असून पुढील तपास पोलीस करत आहेत.
