Ladki Bahin Yojana : राज्यातील लाडक्या बहिणींसाठी (Ladki Bahin Yojana) मोठी आनंदाची बातमी आली आहे.आता मुख्यमंत्री माझी लाडकी बहीण योजनेतील पात्र लाभार्थ्यांना कर्ज (Loan) उपलब्ध करुन देण्यात येणार आहे. त्यामुळे लाडक्या बहिणींना स्वतःच्या पायावर उभं राहता येणार आहे.त्यासाठी कर्ज उपलब्ध करून देण्यात येणार आहे. मुंबई आणि जवळपासच्या क्षेत्रात त्याची अंमलबजावणी होत असताना राज्यातही लवकरच त्याची अंमलबजावणी करण्यात येईल.
अवश्य वाचा: भाजपची अंतर्गत भांडणं अन् ‘राष्ट्रवादी’ला गुदगुल्या
लाडक्या बहिणींना दरमहा १५०० रुपयांची सरकारकडून मदत (Ladki Bahin Yojana)
मुख्यमंत्री माझी लाडकी बहीण योजना गेल्यावर्षी ऑगस्ट महिन्यात सुरू झाली होती. या योजनेतंर्गत पात्र महिलांना १५०० रुपये दरमहा देण्यात येतात. हे पैसे डीबीटी अंतर्गत थेट त्यांच्या खात्यात जमा होतात. या योजनेमुळे राज्यातील महिलांना आर्थिक मदत मिळत आहे. ग्रामीण भागातील महिलांना त्याचा लाभ मिळत आहे. तर इतर काही योजनांचा फायदा घेणाऱ्या महिलांना या योजनेचा फायदा मिळणार नसल्याचे सरकारने अगोदरच स्पष्ट केलेले आहे.
नक्की वाचा: ओबीसी आरक्षण संपल्याच्या भीतीने बीडच्या रिक्षा चालकाने उचललं टोकाचं पाऊल!
महिलांना व्यवसायासाठी आता १ लाखांपर्यंत कर्ज (Ladki Bahin Yojana)
या योजनेत महिलांना व्यवसायासाठी आता १ लाखांपर्यंत कर्ज पुरवठा करण्यात येणार असल्याचे समोर येत आहे. महिलांना ० टक्के व्याजदराने हा कर्ज पुरवठा केला जाऊ शकतो. मुंबई आणि आजुबाजूच्या परिसरासाठी ही योजना सुरू करण्यात आली आहे. मुंबई बँकेने ३ सप्टेंबरपासून ही योजना लाडक्या बहिणींसाठी सुरू केली आहे. या योजनेत १ लाखांपर्यंतचे कर्ज शुन्य टक्के व्याजदराने देण्यात येत आहे. सध्या ही योजना मुंबई शहर आणि उपनगरामध्ये लागू आहे. उर्वरित महाराष्ट्रामध्ये लवकरच योजना लागू होऊ शकते. त्यामुळे ग्रामीण भागातील अनेक महिलांना त्यांचा उद्योग व्यवसाय सुरु करता येणार आहे. त्यांना एकत्र येऊन व्यवसाय करण्याची संधी मिळणार आहे.
