Beed Sucide: गेल्या काही महिन्यांपासून बीडमध्ये (Beed Crime) सुरू असलेली गुन्हेगारीचे धक्कादायक प्रकार वारंवार समोर येत आहेत. त्यातच आज (ता. ८) बीड नगरपरिषदेत(Beed Nagarparishad) घडलेल्या धक्कादायक घटनेने संपूर्ण शहरात खळबळ उडाली आहे. बीड नगरपरिषदेत वसुली विभागात कार्यरत असलेल्या अविनाश धांडे (Avinash Dhande) या कर्मचाऱ्याचा मृतदेह इमारतीच्या छतावर शिडीला गळफास (Sucide) घेतलेल्या अवस्थेत आढळून आला. ही घटना उघडकीस आल्यानंतर नगरपरिषदेतील कर्मचारी आणि नागरिकांमध्ये मोठी खळबळ उडाली आहे.
नक्की वाचा: अजित पवारांकडून कामाच्या व्यापात राहिले असेल;पुण्यातील जमीन प्रकरणावरुन विखे पाटलांचा टोला
छतावर शिडीला लटकलेल्या अवस्थेत आढळला मृतदेह (Beed Sucide)
समोर आलेल्या माहितीनुसार,आज सकाळच्या सुमारास काही कर्मचारी कामासाठी इमारतीत आले असता त्यांनी छतावर एका शिडीला लटकलेला मृतदेह पाहिला. त्यांनी तत्काळ ही माहिती वरिष्ठ अधिकाऱ्यांना आणि पोलिसांना दिली. काही वेळातच पोलीस घटनास्थळी दाखल झाले आणि पंचनामा सुरू केला. या घटनेने परिसरात मोठी गर्दी झाली होती, तर पोलिसांनी इमारतीच्या छतावर कोणालाही प्रवेश न देण्याचे आदेश दिले.
अवश्य वाचा: …तर माझ्यासह जरांगेंची नार्को टेस्ट अन् ब्रेन मॅपिंग करा- धनंजय मुंडे
अविनाश धांडे यांच्या मृत्यूचं कारण अस्पष्ट (Beed Sucide)
मृत अविनाश धांडे हे नगरपरिषदेच्या वसुली विभागात गेल्या काही वर्षांपासून कार्यरत होते. मात्र त्यांनी आत्महत्या का केली याच कारण मात्र अजून गुलदस्त्यात आहे. याबाबतचा तपास पोलिसांनी सुरु केला आहे. पोलिसांनी मृतदेह ताब्यात घेऊन शवविच्छेदनासाठी रुग्णालयात पाठवण्यात आला आहे. या घटनेमुळे नगरपरिषदेतील कर्मचारी वर्गात शोककळा पसरली आहे. अविनाश धांडे यांच्या अचानक मृत्यूने त्यांच्या कुटुंबावर दुःखाचा डोंगर कोसळला आहे. संपूर्ण बीड शहरात या घटनेबद्दल हळहळ व्यक्त केली जात आहे.
