Theft : नगर : माळीवाडा परिसरात राहणाऱ्या व्यापाऱ्याच्या घराचे कुलूप चावीने उघडून अज्ञात चोरट्यांनी कपाटातून सुमारे साडेपाच तोळ्याचे सोन्याचे दागिने (Gold Jewelry) आणि पाच हजार रूपयांची रोख रक्कम (Cash Amount) असा एकूण अंदाजे एक लाख ८० हजार रूपयांचा मुद्देमाल चोरून (Theft) नेल्याची घटना घडली आहे.
नक्की वाचा : ‘महाराज तुम्ही फेटा खाली उतरवायचा नाही’; इंदुरीकर महाराजांसाठी रुपाली ठोंबरे पाटील मैदानात
कोतवाली पोलीस ठाण्यात गुन्हा दाखल
याप्रकरणी व्यापारी अंकित अमृतलाल कोठारी (वय ३४) यांनी दिलेल्या फिर्यादीवरून कोतवाली पोलीस ठाण्यात घरफोडीचा गुन्हा दाखल करण्यात आला आहे. फिर्यादी अंकित कोठारी हे आपल्या कुटुंबासह गुरू गणेश कॉम्पलेक्स मध्ये राहतात. वसंत टॉकीज परिसरात त्यांचे सुपर मार्केटचे दुकान आहे. गुरूवारी दुपारी वाजता कोठारी कुटुंब माऊली संकुल, सावेडी येथे भरतनाट्यम कार्यक्रमासाठी गेले.
अवश्य वाचा : प्राध्यापकाची अडीच लाखांची फसवणूक; कोतवाली पोलीस ठाण्यात गुन्हा दाखल
चप्पल स्टँड मध्य ठेवलेली चावी घेवून चाेरी (Theft)
घराला कुलूप लावल्यानंतर चावी त्यांनी घराबाहेरील चप्पल स्टँड मधील शूज मध्ये ठेवली होती. कार्यक्रमस्थळी पत्नी व मुलांना सोडल्यानंतर कोठारी दुकानात परतले. दरम्यान, त्यांच्या शेजारी राहणाऱ्या महिलेने फोन करून घराच्या कुलूपात चावी तशीच अडकलेली असल्याचे पत्नीला सांगितले. सायंकाळी कार्यक्रम आटोपल्यानंतर पत्नी-मुले रिक्षाने दुकानात आले आणि रात्री ९.१५ वाजता ते सर्वजण घरी परतले. घराचे कुलूप उघडून आत गेल्यानंतर बेडरूममधील कपाट उघडे असल्याचे दिसले. तपासल्यावर कपाटातील ड्रॉवरमध्ये ठेवलेले दागिने व रोख रक्कम नसल्याचे दिसून आल्याचे फिर्यादीत म्हटले आहे.
