Polling Stations : नगर : नगर परिषद व नगर पंचायतींच्या (Municipal Councils and Nagar Panchayats) सार्वत्रिक निवडणुका २०२५ अनुषंगाने जिल्ह्यातील ११ नगर परिषद व एका नगरपंचायतीमध्ये (ता.२) डिसेंबर रोजी मतदान तर ३ डिसेंबर २०२५ रोजी मतमोजणी होणार आहे. मतदान केंद्र (Polling Stations) म्हणून नियुक्त सर्व शाळांना (ता. १ व २ डिसेंबर २०२५ रोजी सुट्टी जाहीर करण्यात आली आहे, असे आदेश जिल्हाधिकारी डॉ. पंकज आशिया (Dr. Pankaj Ashiya) यांनी काढले आहेत.
अवश्य वाचा: काँग्रेसचे जिल्हाध्यक्ष सचिन गुजर यांचे अपहरण करून बेदम मारहाण; श्रीरामपूर शहरात खळबळ
संबंधित शाळा उपलब्ध ठेवणे आवश्यक
जिल्ह्यातील संगमनेर, कोपरगाव, शिर्डी, राहाता, राहुरी, देवळाली प्रवरा, श्रीरामपूर, पाथर्डी, शेवगाव, जामखेड व श्रीगोंदा नगरपरिषद तसेच नेवासा नगरपंचायत मतदानाच्या पूर्वतयारीसाठी अधिकारी व कर्मचारी (ता. १)डिसेंबर रोजीच मतदान केंद्रांवर दाखल होणार असल्याने संबंधित शाळा उपलब्ध ठेवणे आवश्यक आहे.
नक्की वाचा : डिजिटल अरेस्ट ऑनलाईन फसवणूक प्रकरणात तिघे जेरबंद
मतमोजणीच्या दिवशी ह्या शाळांना सुट्टी जाहीर (Polling Stations)
त्यामुळे (ता.१) व २ डिसेंबर २०२५ मतमोजणीच्या दिवशी ह्या शाळांना सुट्टी जाहीर करण्यात आली आहे. निवडणूक प्रक्रिया सुरळीत पार पडावी, यासाठी ही सुट्टी घोषित करण्यात आल्याचे जिल्हाधिकाऱ्यांच्या आदेशात नमूद आहे.
