Eye Donation : नगर : समाजाचे देणे लागते, या भावनेने अवयवदान व नेत्रदान होण्याची गरज आहे. महापुरुषांच्या विचारांचा अंगीकार करुन त्यांचे विचार पुढे घेऊन जाण्याची गरज आहे. महात्मा फुले (Mahatma Phule) व सावित्रीबाई फुले (Savitribai Phule) यांनी अतोनात हाल अपेष्टा सहन करून शिक्षणाची मुहूर्तमेढ रोवली. त्यांच्या कार्याने समाज सावरला गेला आहे. आज समाजाने देखील महापुरुषांच्या त्यागाची जाणीव ठेऊन मरणोत्तर नेत्रदान (Eye donation) व अवयवदान करणे काळाची गरज बनली आहे, असे प्रतिपादन फिनिक्स सोशल फाऊंडेशनचे संस्थापक अध्यक्ष जालिंदर बोरुडे (Jalinder Borude) यांनी केले.
अवश्य वाचा : श्रीगोंद्यातील कुटुंबावर काळाचा घाला; ट्रॅक्टर पलटी होऊन दोन चिमुकले जागीच ठार
नागरिकांकडून अवयवदान व नेत्रदानाचा संकल्प
महात्मा ज्योतिबा फुले यांच्या १३५ व्या स्मृतीदिनानिमित्त फिनिक्स सोशल फाऊंडेशन व जिल्हा रुग्णालयाच्या संयुक्त विद्यमाने अवयव दान व मरणोत्तर नेत्रदाना बाबत जनजागृती कार्यक्रम आयोजित करण्यात आला. माळीवाडा येथे महात्मा फुले यांच्या पुतळ्यास पुष्पहार अर्पण करून अभिवादन करण्यात आले. त्यानंतर उपस्थित नागरिकांकडून अवयवदान व नेत्रदानाचे संकल्प अर्ज भरून घेण्यात आले.
नक्की वाचा : काँग्रेस जिल्हाध्यक्ष सचिन गुजर यांच्यावर गुन्हा दाखल; महाराजांचा अवमान केल्याचा आरोप
नागरिक मोठ्या संख्येने उपस्थित (Eye Donation)
यावेळी जिल्हा रुग्णालयाचे समुपदेशक सतीश आहिरे, सूर्यकांत गिरवले, भिमाजी जाधव, गणेश जाधव, सुखदेव मुदळ, अनिल शेरकर, राजू झेंडे, रावसाहेब कर्पे, सुरेश इंगळे, बापूसाहेब भोसले, बाळासाहेब शिंदे, भगवान महानूर आदींसह विविध समाजघटकातील नागरिक मोठ्या संख्येने उपस्थित होते. जिल्ह्यात जिल्हा रुग्णालय व फिनिक्स फाऊंडेशनच्या माध्यमातून अवयवदान व नेत्रदानाची जनजागृती सुरु आहे. यामुळे अनेक अंध व्यक्तींना नवदृष्टी व इतरांना नवजीवन मिळणार असल्याचे त्यांनी सांगितले.
सतीश आहिरे म्हणाले की, मरणोत्तर नेत्रदान व अवयवदान होत नसल्याने अनेक रुग्ण नेत्र व अवयवाच्या प्रतिक्षेत आहे. एका व्यक्तीच्या अवयवदानाने सात व्यक्तींना जीवदान मिळते. जिवंतपणे रक्तदान, जाता जाता अवयवदान-नेत्रदान व मृत्यूनंतर देहदान करुन इतरांच्या उपयोगी पडावे. शरीराची माती मोल न होऊ न देता कोणाच्यातरी देह उपयोगी यावा. शरीर हे नश्‍वर असून, अवयवदानाने एखाद्याचे जीवन फुलणार असल्याचे त्यांनी सांगितले.
