Share Market : नगर : शेअर मार्केटमध्ये (Share Market) गुंतवणुकीवर दर महिन्याला १२ ते १५ टक्के परतावा मिळेल, असे आमिष दाखवून राहुरी येथील एक व भिंगार मधील दोघे अशी तिघा नागरिकांची तब्बल २० लाख ४० हजार रूपयांची आर्थिक फसवणूक (Fraud) करण्यात आल्याचा गंभीर प्रकार समोर आला आहे.
अवश्य वाचा: काँग्रेस जिल्हाध्यक्ष सचिन गुजर यांच्यावर गुन्हा दाखल; छत्रपती शिवाजी महाराजांचा अवमान केल्याचा आरोप
११ जणांविरोधात गुन्हा
या प्रकरणी विशेष जिल्हा सत्र न्यायालयाच्या आदेशानुसार कोतवाली पोलिसांनी ११ जणांविरोधात गुन्हा नोंदवला आहे.तानसेन सुरेश बिवाल (वय ३७, रा. राहुरी), मनीष दीपक सोलंकी (वय ३५) आणि कविता दीपक सोलंकी (वय ५२, दोघे रा. कॅन्टोमेंट चाळ, भिंगार) असे फसवणूक झालेल्या नागरिकांची नावे असून त्यांनी फिर्याद दिली आहे. पोलिसांनी ऋषिकेश दत्तात्रय तोरडमल, दत्तात्रय नरहरी तोरडमल, मनिषा दत्तात्रय तोरडमल, प्रतीक्षा दत्तात्रय तोरडमल (सर्व रा. माधवबाग, भिंगार), कोमल गणेश क्षीरसागर, गणेश क्षीरसागर (दोघे रा. बालमटाकळी, ता. शेवगाव), वृषाली सचिन भालेराव, सचिन भालेराव (दोघे रा. आलमगीर, भिंगार), प्रतीक गुरव (रा. पाथर्डी), किरण तोरडमल (रा. बारादरी, ता. अहिल्यानगर) आणि सागर तोरडमल (विमाननगर, पुणे) यांच्याविरोधात गुन्हा दाखल करण्यात आला आहे, फिर्यादींनी ‘गोल्डन गेट फिन्सर्व’ तसेच ‘आर.एस. ग्रुप ऑफ बिझनेस’ या नावाने काम करणाऱ्या गटांवर शेअर मार्केट गुंतवणुकीसंबंधी विश्वास ठेवून पैसे गुंतवले होते.
नक्की वाचा : एआयने बनवलेले व्हिडिओ नेमके कसे ओळखायचे? जाणून घ्या…
कोतवाली पोलीस ठाण्यात तक्रार दाखल (Share Market)
गुंतवणूक केल्यास दरमहा १२ ते १५ टक्के परतावा मिळेल, असा प्रस्ताव या गटाच्या प्रतिनिधींनी मांडला होता. त्यांच्या आश्वासनांवर विश्वास ठेवून फिर्यादींनी २६ मार्च २०२५ नंतर वेगवेगळ्या टप्प्यांत मिळन तब्बल २० लाख ४० हजार ५० रूपये जमा केले. सुरूवातीला काही प्रमाणात परतावा दिल्यानंतर काही दिवसांतच देणे बंद करण्यात आले. त्यानंतर यातील काही संशयित आरोपी अचानक पसार झाल्याची माहिती मिळाली. परतावा न मिळाल्याने फसवणुकीची खात्री झाल्यावर तिघांनी कोतवाली पोलीस ठाण्यात तक्रार दाखल केली. मात्र, तक्रार असूनही न्यायालयाची मदत घेतली. गुन्हा नोंदवला न गेल्याने गुंतवणूकदारांनी याबाबतची खासगी फिर्याद विशेष जिल्हा सत्र न्यायालयात दाखल करण्यात आली. न्यायाधीश महेश लोणे यांनी दोन्ही बाजूंची बाजू ऐकून कोतवाली पोलिसांना तातडीने गुन्हा दाखल करून पुढील तपास करण्याचे आदेश दिले. गुंतवणूकदारांच्या वतीने अॅड. शुभम साके यांनी न्यायालयात बाजू मांडली. या घटनेचा अधिक अधिक तपास पोलीस करत आहेत.
