Amit Deshmukh: काँग्रेसची विचारधारा (Congress ideology) ही सर्व धर्म समभावाची आहे तर भाजपची विचारधारा (BJP ideology) ही सर्वधर्म भेदभावाची (All religions are discriminatory) आहे, असं म्हणत काँग्रेस आमदार अमित देशमुख (Amit Deshmukh) यांनी भाजपवर (BJP) टीका केली. पक्ष फोडले,आमदार फोडले आता मतदारांना पैशाचे आमिष दाखवून फोडण्याचा प्रयत्न केला जात असल्याचे देखील देशमुख म्हणालेत. परभणीच्या गंगाखेड मधील सभेत ते बोलत होते.
नक्की वाचा: एलपीजी,पेन्शन ते विमान प्रवास,१ डिसेंबरपासून लागू होणार मोठे बदल
सरकारमध्ये सहभागी झालेल्यांकडे कसल्याही प्रकारचा विचार नाही (Amit Deshmukh)
काँग्रेसची विचारधारा ही सर्वधर्म समभावाची आहे, तर भाजपची विचारधारा ही सर्वधर्म भेदभावाची आहे. या सरकारमध्ये सहभागी झालेल्यांकडे कसल्याही प्रकारचा विचार नाही. त्यांचा एकच विचार आहे तो म्हणजे महाराष्ट्राची तिजोरीची. महायुतीतील तीन पक्षांपैकी एक जण म्हणतो की, तिजोरीच्या चाव्या माझ्याकडे आहेत,दुसरा म्हणतो की तिजोरीचे मालक आम्ही आहोत तर तिसरा म्हणतो की, तिजोरी मध्ये असलेला पैसाच माझ्याकडे आहे,असं यावेळी अमित देखमुख म्हणालेत.
अवश्य वाचा: ऐन निवडणुकीत उमेदवारांना दिलासा!प्रचाराची मुदत वाढली
पैशाचे आमिष दाखवून मतदारांना फोडण्याचा प्रयत्न सुरु (Amit Deshmukh)
भाजपने आतापर्यंत पक्ष फोडले, पैशाचे अमिष दाखवून आमदार फोडले, आता या निवडणुकीमध्ये थेट मतदारांना पैशाचे आमिष दाखवले जात आहे. पैशाचे आमिष दाखवून मतदारांना फोडण्याचा प्रयत्न सध्या चालू असल्याचे अमित देशमुख म्हणाले. पण मतदार राजा हा पैशाच्या आमिषाला बळी पडणार नाही, दोन तारखेला भाजपला दाखवून द्या की, मतदार किती स्वाभिमानी आहे, असे म्हणत माजी मंत्री तथा काँग्रेसचे नेते अमित देशमुख यांनी भाजप सह त्यांच्या मित्र पक्षावर कडाडून टीका केली.
