Sayaji Shinde : नाशिकमधील कुंभमेळ्याच्या (Nashik Kumbhmela) पार्श्वभूमीवर तपोवन परिसरातील साधुग्रामच्या जागेत सुरू असलेल्या वृक्षतोडीविरोधात (Tree felling) वृक्षप्रेमी आणि राजकीय पक्षातील नेत्यांनीही आक्रमक भूमिका घेतली आहे. आता पर्यावरणप्रेमी, वृक्षमित्र आणि अभिनेता सयाजी शिंदे (Actor Sayaji Shinde) यांनीही आपली रोखठोक भूमिका मांडली. ज्यांच्यासाठी झाडे तोडली जात आहेत, त्या साधू-संतांना तरी झाड तोडलेलं पटेल का? असा सवाल सयाजी शिंदेंनी विचारला आहे.
नक्की वाचा: बसमध्ये चोऱ्या करणारी रिलस्टार कोमल आहे खोक्याची भाची
तपोवनातल्या १८०० झाडांची कत्तल होणार का ? (Sayaji Shinde)
महाराष्ट्र नवनिर्माण चित्रपट कर्मचारी सेनेकडूनही तपोवनातल्या १८०० झाडांची कत्तल प्रकरणी जाहीर निषेध करणार आहे. विशेष म्हणजे हा निषेध नोंदविण्यासाठी सर्व कलाकार सहभागी होणार आहेत, यामध्ये वृक्षप्रेमी-नाशिककर तुम्ही देखील सहभागी व्हा,असे आवाहन मनसेकडून करण्यात आले आहे. तपोवनातील कमानीजवळ संभाजीनगर रोड येथे शनिवारी ६ डिसेंबरला सकाळी हा निषेध नोंदविण्यात येणार आहे. तत्पूर्वी आज पत्रकार परिषद घेत सजायी शिंदे यांनी आपली भूमिका मांडली.
अवश्य वाचा: जगातील सर्वाधिक कर्जबाजारी देशात नंबर १ कोण ? वाचा सविस्तर…
तपोवन परिसरात साधू-महंतांसाठी १,१५० एकरांवर भव्य साधूग्राम उभारण्याचे नियोजन करण्यात आले आहे. त्यासाठी जवळपास १,८०० झाडे तोडली जात आहेत. यावरून वृक्षप्रेमी, पर्यावरण प्रेमी हे आक्रमक झाले असून अभिनेता सयाजी शिंदेंनी या वृक्षतोडीला तीव्र विरोध केला. आज पत्रकार परिषद घेत सजाजी शिंदे यांनी आपली भूमिका स्पष्ट केली आहे.
सयाजी शिंदे म्हणाले की, १० वर्षांच्या आतली झाडं तोडायची आणि त्या बदल्यात दुसरी झाडं लावायची ही कल्पनाच चुकीची आहे. म्हणजे, पोरांना मारायचं आणि आई-बापाला जिवंत ठेवायचं, मूळात त्याचं उरलेलं वय किती आहे. त्यामुळे, झाडं तोडून दुसरीकडे कुठतरी १० झाडं लावायची ही कल्पनाच चुकीची आहे. झाडं हे आपली आई-बाप आहेत. आपण जगतो ते केवळ झाडांमुळे जगतो. आपल्या आई-बापांवर कोणी हल्ला करत असेल तर तुम्ही गप्प बसणार आहोत का? महाराष्ट्रातील प्रत्येक माणसाला माझा सवाल आहे, असेही सयाजी शिंदे यांनी म्हटले.
झाडे तोडणं हे साधु-संतांना पटेल का ? – शिंदे (Sayaji Shinde)
कुठल्याही साधु संतांचा आपण कसा अपमान करू, मुळात झाडं तोडणं हे साधु संताना पटेल का? असा सवाल सयाजी शिंदे यांनी उपस्थित केला. ऋषी-मुनी झाडाखालीच तपश्चर्या करत होते, असेही त्यांनी सांगितले. दहा वर्षे झालेली झाडं मोडायची आणि त्या बदल्यात दुसरी १० झाडं लावणं ही कल्पनाच चुकीची आहे. झाडं महत्वाची आहेत आणि ती जगली पाहिजे हेही महत्वाचं आहे, असं त्यांनी सांगितले आहे.
