Accident : नगर : पुण्याहून नगरच्या दिशेने येणाऱ्या कंटेनरवरील चालकाचे चास घाटात नियंत्रण सुटल्याने कंटेनर रस्तादुभाजकाला धडकून दुसऱ्या बाजूने येणाऱ्या दोन मालवाहतूक वाहनांना जोराची धडक दिली. या अपघातात (Accident) तिन्ही वाहनांचे मोठे नुकसान झाले असून एका मालवाहू गाडीतील एकाचा मृत्यू (Death) तर एक जण गंभीर जखमी (Seriously Injured) झाला आहे. ही घटना शुक्रवारी (ता.१६) रोजी घडली.
अवश्य वाचा : अहिल्यानगर मनपा निवडणूक : महायुतीचा ‘महाविजय’, तर दिग्गजांना पराभवाचा धक्का!
जखमींवर खासगी रुग्णालयात उपचार सुरु
शिवप्रसाद जनार्दनप्रसाद गौतम (वय ४५, रा. पद्मानगर, पाईपलाईन रोड, अहिल्यानगर, मूळ रा. उत्तर प्रदेश) यांचा मृत्यू झाला तर वाहन चालक सुग्रीम माणिकराम यादव (वय ३६, रा. कल्याण रोड, अहिल्यानगर) हे गंभीर जखमी झाले आहे. त्यांच्यावर नगरमधील खासगी रुग्णालयात उपचार सुरु आहेत. हे दोघे १६ जानेवारीला दुपारी सुपर कॅरी या मालवाहू वाहनाने नगरहून सुप्याकडे जात होते.
हे देखील वाचा: महायुतीत लहान-मोठा भाऊ कोण? गुगली प्रश्नावर विखेंचं उत्तर
कंटेनरवरील चालकाचे नियंत्रण सुटल्याने अपघात (Accident)
चास घाट चढून गेल्यावर पुण्याहून नगरच्या दिशेने लोखंडी प्लेटा घेऊन भरधाव वेगात येणाऱ्या कंटेनरवरील चालकाचे नियंत्रण सुटल्याने सदर कंटेनर रस्तादुभाजक ओलांडून त्यांच्या गाडीला येऊन धडकला. यात एकाचा मृत्यू तर एक जखमी झाला. तोच कंटेनर त्यांच्या पाठीमागून येणाऱ्या आणखी एका मालवाहू वाहनाला व रस्त्याच्या कडेला उभ्या असलेल्या चारचाकी वाहनाला धडक दिली. या अपघाताची माहिती मिळताच नगर तालुका पोलीस ठाण्याचे सहायक पोलीस निरीक्षक प्रल्हाद गिते, पोलीस अंमलदार खंडेराव शिंदे, शरद दाते आदींनी घटनास्थळी धाव घेत जखमींना उपचारासाठी रुग्णालयात पाठविले.
