नगर: भारत देश हा येत्या २६ जानेवारी रोजी ७७ वा प्रजासत्ताक दिन (Republic Day 2026) अभिमानाने साजरा करणार आहे. ही महान परंपरा नवी दिल्लीतील (Delhi) कर्तव्य पथवर (Kartavya Path) आयोजित करण्यात येणाऱ्या भव्य परेड आणि विविध कार्यक्रमांच्या रूपात दिसून येईल. या वर्षीचा प्रजासत्ताक दिन हा ‘वंदे मातरम’ (Vande Matram) या राष्ट्रगाण्याला १५० वर्षे पूर्ण झाल्यामुळे त्याचे स्मरण आणि भारताची एकता, विविधता आणि प्रगती हे मुख्य विषय घेऊन साजरा केला जाणार आहे.
नक्की वाचा: मी चहावाला ही तर मोदींची ड्रामेबाजी;मल्लिकार्जुन खरगेंच्या विधानावर भाजपने व्यक्त केला संताप
मुख्य अतिथी आणि कार्यक्रमाची रूपरेषा कशी असेल ? (Republic Day 2026)
२६ जानेवारीच्या परेडचे मुख्य अतिथी म्हणून यंदा युरोपियन संघटनेचे दोन प्रमुख नेते उपस्थित राहणार आहेत. त्यामध्ये युरोपियन कौन्सिलचे अध्यक्ष एंटोनियो कोस्टा आणि युरोपियन कमिशनच्या अध्यक्षपदी कार्यरत असलेले उर्सुला वॉन डेर लेयेन यांचा समावेश आहे. प्रजासत्ताक दिवसाची परेड ही सकाळी ९.३० वाजता राष्ट्रपतींच्या हस्ते राष्ट्रीय ध्वज फडकवणे आणि वंदे मातरम् गीताच्या १५० वर्षांचा गौरव साजरा करून सुरू होईल. त्यानंतर १०.३० वाजता कर्तव्य पथावर मुख्य परेड सुरु होईल जी जवळपास दीड ते दोन तास चालेल.
अवश्य वाचा: विद्यार्थ्यांनो ‘अपार आयडी’ काढले का ?,३१ जानेवारीपर्यंत अखेरची मुदत
भव्य परेड आणि विविध राज्यांचे चित्ररथ (Republic Day 2026)
यंदा कर्तव्यपथावर एकूण ३० विविध चित्ररथ तुम्हाला पाहायला मिळतील. त्या माध्यमातून वेगवेगळ्या राज्यांची संस्कृती आपल्याला दिसेल. प्रत्येक चित्ररथाचं विषय “स्वतंत्रता का मंत्र : वंदे मातरम्” आणि “समृद्धी का मंत्र : आत्मनिर्भर भारत” असल्यामुळे भारताच्या इतिहासापासून आधुनिक प्रगतीपर्यंतचा प्रवास रंगून दिसेल. ऑपरेशन सिंदूर थीमवर आधारित चित्ररथ यंदा विशेष आकर्षण ठरेल. ज्यात भारतीय सैन्याची सामर्थ्य, राफेल आणि अन्य लढाऊ विमानांचे प्रतिनिधित्व झळकताना दिसेल. विविध राज्यांची चित्ररथ त्यांच्या सांस्कृतिक वारसा, आर्थिक उत्कर्ष, पर्यटन व नवोन्मेष यांचे सान्निध्य दाखवतील.
सैन्य शक्तीचा अभिमान दाखवण्यासाठी भारतीय लष्कर, वायुसेना आणि नौदल आपल्या सर्वोत्तम क्षमतेसह सहभागी होतील. या वर्षी विशेषतः वायुसेनेचे ‘सिंदूर’ फॉर्मेशन फ्लायपास्ट, ज्यात राफेल, सुखोई-३०, मिग-२९ असे लढाऊ विमान दिसतील. ते भारताचे सामर्थ्य दर्शवतील.
