Nakshatranche Dene Song: सध्या मराठी चित्रपटसृष्टीत ‘अगं अगं सुनबाई! काय म्हणता सासूबाई? (Aga Aga Sunbai Kay Mhanata Sasubai Movie) या चित्रपटाची जोरदार चर्चा सुरू आहे. कथा आणि अभिनय यांच्यासोबतच चित्रपटातील गाणीही संगीत प्रेमींसाठी एक वेगळीच म्युझिकल ट्रीट ठरत आहेत. नुकतेच या चित्रपटातील गेले द्यायचे राहून, तुझे नक्षत्राचे देणे (Nakshatranche Dene Song) हे अजरामर गीत नव्या रूपात प्रदर्शित (Displayed) झाले आहे.
नक्की वाचा: प्रजासत्ताक दिनानिमित्त दिल्लीतील कर्तव्य पथावर भव्य सोहळा;कसा असेल कार्यक्रम?
आशा भोसले यांनी मूळ गायलेले हे गीत जावेद अली यांच्या भावस्पर्शी आवाजात नव्या स्वरूपात सादर झाले आहे. आरती प्रभू यांच्या शब्दांना देवदत्त मनीषा बाजी यांच्या संगीताची साथ लाभली आहे. मनातील घालमेल आणि अंतर्मुख भाव या गाण्यात प्रकर्षाने जाणवतात. आयुष्यात आलेल्या आव्हानांमुळे खचलेल्या दोघींची कहाणी यात उलगडत आहे.
चित्रपटात नेमकं काय ? (Nakshatranche Dene Song)
‘अगं अगं सुनबाई! काय म्हणता सासूबाई? हा चित्रपट नात्यांमधील भावबंध, सूक्ष्म भावना आणि घराघरात घडणाऱ्या प्रसंगांना स्पर्श करणारा आहे. त्याच भावविश्वाला साजेशी अशी त्याची गाणी प्रेक्षकांच्या मनात घर करत आहेत. विशेष म्हणजे, मराठी संगीतातील काही अजरामर गीतांना आजच्या काळाशी सुसंगत, तरीही त्यांचा मूळ आत्मा जपून नव्याने सादर करण्यात आली आहेत. यापूर्वीही या चित्रपटातील अशीच दोन गाणी प्रदर्शित झाली आहेत.
अवश्य वाचा: मी चहावाला ही तर मोदींची ड्रामेबाजी;मल्लिकार्जुन खरगेंच्या विधानावर भाजपने व्यक्त केला संताप
जुन्या गीतांना आधुनिकतेचा साज (Nakshatranche Dene Song)
‘दिवस तुझे हे फुलायचे’ हे यशवंत देव यांचे अजरामर गीत आजच्या काळात नव्या संवेदनशीलतेने सादर झाले आहे. ‘डाव मोडू नको’ या सुधीर फडके आणि राम फाटक यांच्या अजरामर गाण्यालाही या चित्रपटातून नवसंजीवनी मिळाली आहे. वैशाली सामंत यांच्या आवाजात सादर झालेले हे गाणे, घरातील गैरसमज, न बोललेल्या भावना आणि रुसवे-फुगवे यांचे हळवे प्रतिबिंब दाखवते. आधुनिक संगीतसाज असूनही मूळ भाव कायम ठेवण्यात यश आले आहे
दिग्दर्शक केदार शिंदे यांच्या मते, ही गाणी केवळ प्रसिद्ध म्हणून घेतलेली नाहीत, तर त्या-त्या प्रसंगाला ती अत्यंत चपखल बसतात. काही भावना शब्दांपेक्षा संगीतामधून अधिक प्रभावीपणे व्यक्त होतात आणि हेच या चित्रपटातील गाण्यांचे वैशिष्ट्य आहे. झी स्टुडिओज व सनफ्लॉवर स्टूडियोज निर्मित ‘अगं अगं सूनबाई! काय म्हणताय सासूबाई?’ या चित्रपटाचे दिग्दर्शन केदार शिंदे यांनी केले असून उमेश कुमार बन्सल, बवेश जानवलेकर आणि सना शिंदे या चित्रपटाचे निर्माते आहेत. चित्रपटाची कथा व संवाद वैशाली नाईक आणि ओमकार मंगेश दत्त यांचे असून पटकथा वैशाली नाईक यांची आहे. छायाचित्रण आणि संकलनाची जबाबदारी मयूर हरदास यांनी सांभाळली आहे. हा चित्रपट सर्वत्र प्रदर्शित झाला आहे.
