Kotwali Police Station : नगर : अहिल्यानगर शहरातील बाबा बंगाली परिसरात कत्तलीसाठी डांबून ठेवलेल्या गोवंशीय जनावरांची (Cattle) सुटका कोतवाली पोलिसांनी (Kotwali Police Station) केली आहे. त्यांच्याकडून एक लाख ४५ हजारांचा मुद्देमाल हस्तगत करण्यात आला आहे. याबाबत कोतवाली पोलीस ठाण्यात गुन्हा दाखल (Case Filed) करण्यात आला आहे.
नक्की वाचा: अजितदादांच्या खुर्चीवर सुनेत्रा वहिनी बसणार का? नरहरी झिरवाळ यांच्या मागणीने राजकीय चर्चांना उधान
संशयित आरोपींची नावे
अख्तर हसन कुरेशी (वय-५०,रा. बेपारी मोहल्ला, सुभेदार गल्ली झेंडीगेट अहिल्यानगर), मुजक्कीर मुस्ताक कुरेशी (वय ३६,रा. बेपारी मोहल्ला, सुभेदार गल्ली झेंडीगेट), हसनेन सादीक कुरेशी (वय २५,रा. बेपारी मोहल्ला, सुभेदार गल्ली झेंडीगेट, अहिल्यानगर), असे गुन्हा दाखल झालेल्या संशयित आरोपींची नावे आहेत.
अवश्य वाचा: अजित पवार यांचं ६ क्रमांकाशी नेमकं कनेक्शन’ काय? जाणून घ्या…
एक लाख ४५ हजार ६०० रुपयांचा मुद्देमाल हस्तगत (Kotwali Police Station)
कोतवाली पोलीस ठाण्याचे पोलीस निरीक्षक संभाजी गायकवाड यांना मिळालेल्या माहितीनुसार बाबा बंगाली परिसरात गोवंशीय जनावरे कत्तली साठी डांबून ठेवले असल्याची खात्रीशीर माहिती मिळाली. त्यानुसार पथकाने सापळा रचून छापा टाकला असता दोन जिंवत गोवंशीय जनावरे व ५०० किलो गोमांस आढळून आले असा एकूण एक लाख ४५ हजार ६०० रुपयांचा मुद्देमाल हस्तगत करण्यात आला. ही कारवाई सहायक पोलीस निरीक्षक प्रवीन पाटील, पोलीस अंमलदार विशाल दळवी, विनोद बोरगे, अविनाश वाघचौरे, रोहिणी दरंदले, दीपक रोहकले, सत्यम शिंदे, अभय कदम, अमोल गाडे, सुरज कदम, दत्तात्रय कोतकर, शिरीष तरटे, अतुल काजळे, राम हंडाळ, अतुल लाटे, यांच्या पथकाने केली.
