Attack On Iran | रात्रीच्या काळोखात, जगाच्या छुप्या कोपऱ्यात एक षड्यंत्र रचलं गेलं. हे असं षड्यंत्र ज्याने इतिहास बदलून टाकला आहे. २८ फेब्रुवारी २०२६, अमेरिका (America) आणि इस्रायलच्या (Israel) गुप्त शक्तींनी इराणचे सर्वोच्च नेते आयातुल्ला अली खामेनी यांना शेवटचा श्वास घेण्यास भाग पाडलं. हा केवळ हल्ला (Attack On Iran) नव्हता, तर वर्षानुवर्षांच्या वैराचा, राजकीय खेळाचा आणि रक्तरंजित युद्धाचा हा परिणाम होता. हा हल्ला कसा झाला, कोणती घातक क्षेपणास्त्रं वापरली गेली, आणि खामेनीची कडक सुरक्षा कशी कमजोर ठरली याची ही माहिती.
अवश्य वाचा- कर्जतमध्ये बंद पाळत गोदड महाराज मंदिरासमोर धरणे आंदोलन; ट्रस्ट बरखास्त करण्याची मागणी
एक चमत्कार घडला (Attack On Iran)
१९८९ पासून, आयातुल्ला खामेनी इराणच्या सिंहासनावर विराजमान होते. त्यांच्या हातात अणुशक्ती आणि बॅलिस्टिक मिसाइल्सची शस्त्रे. अमेरिका आणि इस्रायलला हा धोका असह्य झाला. १९८१ मध्ये, एक बॉम्बस्फोटाने त्यांचा उजवा हात कायमचा निकामी केला, पण ते जिवंत राहिले. एक चमत्कार? किंवा नशीब? २०२५ च्या ‘ट्वेल्व्ह-डे वॉर’मध्ये, इस्रायलने त्यांना संपवण्याचा प्रस्ताव ठेवला, पण ट्रम्प यांनी नकार दिला. पण २०२६ मध्ये, वेळ बदलली. इराणच्या अणु कार्यक्रमाने जगाला धमकी दिली, आणि अमेरिका-इस्रायलने ठरवले ‘रेगिम चेंज’ किंवा मृत्यू.
नक्की वाचा- कृषी विद्यापीठांची राष्ट्रीय स्तरावर होत असलेली घसरण दुर्दैवी : सत्यजित तांबे
खामेनी कुठं लपले होते? (Attack On Iran)
तेहरानच्या हृदयात, पास्तुर जिल्ह्यातील ‘बैत-ए रहबारी’ (हाउस ऑफ लीडरशिप) नावाच्या किल्ल्यात. एक अभेद्य किल्ला जिथे ते दिवस रात्र राहत, सत्तेच्या खेळ खेळत. येथे इमाम खोमैनी हुसैनियासारख्या इमारती होत्या, जिथे ते हजारोंच्या गर्दीत बोलत. पण आता, हेच ठिकाण त्यांच्या कबरीचं ठिकाण ठरलं आहे. या हल्ल्याच्या नियोजनाची सुरुवात. महिने आधी, वॉशिंग्टन आणि जेरुसलेमच्या गुप्त कक्षांमध्ये झाली. ट्रम्प यांच्या नेतृत्वात, नेतन्याहू आणि सौदी सहयोगींनी षड्यंत्र रचलं गेलं.
खामेनीची सुरक्षा? (Attack On Iran)
ऑपरेशन ‘एपिक फ्युरी’. सीआयए आणि मोसादने हात मिळवले. सॅटेलाइट्सच्या डोळ्यांनी, ड्रोन्सच्या कानांनी, आणि ह्युमन स्पायच्या धाडसाने, ते खामेनीच्या प्रत्येक हालचालींवर नजर ठेवली. बैत-ए रहबारीच्या भिंतींमागे काय चालले आहे, ते सर्व माहिती गोळा झाली. खामेनीची सुरक्षा? एक अभेद्य कवच. आयआरजीसीच्या हजारो गार्ड्सनी घेरलेले, रडार्स, बंकर आणि इलेक्ट्रॉनिक शील्ड्स. ते फोनही वापरत नव्हते, फक्त एक विश्वासू सहाय्यकाद्वारे बोलत. धोक्याच्या छायेत, ते अंडरग्राउंड बंकरमध्ये लपले होते, जिथे जगापासून अलग. हे ‘कूप-प्रूफ’ सिस्टम होते, ४,००० माणसांच्या टीमने चालवले जाणारे.
अमेरिका-इस्रायलने ते भेदले कसे? (Attack On Iran)
प्रगत इंटेलिजन्सने सॅटेलाइट्सने कमकुवत जागा शोधल्या, स्टेल्थ ड्रोन्सने रडार चुकवले, आणि हल्ल्याने गार्ड्सला घेरलं. ट्रम्प यांनी सांगितलं, ‘त्यांना आमच्या जाळ्यातून सुटका नाही आणि मग पुढचं युद्ध घडलं. पहाटेच्या काळोखात, २८ फेब्रुवारी २०२६ रमजानच्या पवित्र रात्री, जेव्हा इराण शांत होतं, तेव्हा आकाशातून मृत्यू अवतरला. इस्रायली एफ-३५ जेट्सने आकाश फाडले, अमेरिकन जहाजांवरून मिसाइल्स सुटल्या. मुख्य लक्ष्य: बैत-ए रहबारी! हे ‘डेकॅपिटेशन स्ट्राइक’ होते नेत्याचा शिरच्छेद. सुरक्षा भेदली कशी? कामिकाझी ड्रोन्सने आयआरजीसीला व्यस्त ठेवलं, तर टॉमहॉक क्रूझ मिसाइल्सने थेट बंकरवर हल्ला हे मिसाइल्स १,६०० किलोमीटर दूरून येत, कमी उंचीवर उडत, रडारला फसवत. इस्रायलच्या प्रिसिजन-गाइडेड बॅलिस्टिक्स आणि ड्रोन्सने कंपाउंड उद्ध्वस्त केलं.
हे पहा – रात्री इंटरनेट चालू ठेवणं पडू शकतं महागात!
इराणचा तानाशाह संपला (Attack On Iran)
स्फोटांची मालिका, धूर, आग आणि चिखल. सॅटेलाइट इमेजेस साक्षी आहेत. खामेनीच्या निवासस्थानाची राख झाली. ट्रम्प यांनी सोशल मीडियावर घोषित केलं. ‘इराणचा तानाशाह संपला. दुसऱ्या लाटेत इराणने प्रत्युत्तर दिलं, पण त्यांचं मिसाइल्स हवेतच इंटरसेप्ट. हे युद्ध नव्हते. हे विनाश होतं. कोणती शस्त्रे? अमेरिकेची टॉमहॉक, जीपीएस-गाइडेड, अचूक आणि घातक. इस्रायलची एफ-३५ आणि कामिकाझी ड्रोन्स – स्वस्त, पण प्राणघातक. १० मिलियन डॉलरची ही स्ट्राइक, ज्यात महाग आणि स्वस्त शस्त्रांचा समावेश होता. परिणाम काय झाले तर खामेनी, त्यांची मुलगी, जावई, नातू, सर्व नष्ट. इतर नेतेही गेले. नासीरझादे, शमखानी, पाकपौर. इराणने ४० दिवसांचा दु:खवटा जाहीर केला.
