America-Iran War : नगर : इराण विरोधात सुरु केलेल्या युद्धात अमेरिका व इस्राईल (America-Iran War) या देशांवर इराणने प्रतिहल्ला करण्यास सुरुवात केली आहे. अशातच इराणवरील सुरू असलेल्या हल्ल्यांदरम्यान, अमेरिकेचे अध्यक्ष डोनाल्ड ट्रम्प (US President Donald Trump) यांनी एक मोठं विधान जारी केले आहे. त्यांनी सांगितले की गरज पडल्यास ते इराणमध्ये अमेरिकन सैन्य पाठवण्याची आमची तयारी आहे. त्यांनी असेही म्हटले आहे की इराणमधील (Iran) लष्करी कारवाई चार ते पाच आठवडे टिकू शकते, पण ती जास्त काळ टिकेल यासाठी मी तयार आहे. डोनाल्ड ट्रम्प यांनी इराणला मोठ्या हल्ल्यांचा इशारा दिला आहे.
नक्की पहा : कोपरगावात युवकाचा दगडाने ठेचून खून
डोनाल्ड ट्रम्प म्हणाले की,
गरज पडल्यास ते इराणमध्ये जमीनीवरून सैन्य पाठवण्यास मागेपुढे पाहणार नाहीत. त्यांनी सांगितले की ‘ऑपरेशन एपिक फ्युरी’ वेळेच्या खूप आधी प्रगती करत आहे, ज्यामध्ये तेहरानचे डझनभर उच्च अधिकारी मारले गेले आहेत. ट्रम्प म्हणाले, “हे खूप लवकर संपेल. आम्ही अगदी वेळापत्रकानुसार आहोत आणि नेतृत्वाच्या बाबतीत, आम्ही वेळापत्रकापेक्षा खूप पुढे आहोत. 49 लोक मारले गेले होते आणि आम्हाला अंदाज होता की यासाठी किमान चार आठवडे लागतील, परंतु आम्ही ते एका दिवसात केले.”
📣 अहिल्यानगर जिल्ह्यातील अपडेट्स मिळविण्यासाठी क्लिक करा
🪀 https://chat.whatsapp.com/D9yG5gFstDCESNfitc3gt9
इराणने प्रत्युत्तर म्हणून अनेक आखाती देशांवर हल्ले (America-Iran War)
अमेरिका-इस्रायल आणि इराण यांच्यातील युद्ध पेटले आहे. त्यामुळे मध्य पूर्वेतील तणाव वाढला आहे. इस्रायलबरोबरच्या इराणचे सर्वोच्च नेते अयातुल्ला खामेनी यांच्यासह अनेक उच्चपदस्थ इराणी अधिकारी मारले गेल्याचे अमेरिकेने जाहीर केले आहे. दरम्यान, इराणने प्रत्युत्तर म्हणून अनेक आखाती देशांवर हल्ले केले आहेत आणि आपण अमेरिकेचा बदला घेणार असल्याचे सांगितले आहे. अमेरिकेचे राष्ट्राध्यक्ष डोनाल्ड ट्रम्प यांनी इराणबरोबर सुरू असलेला संघर्ष हा काही आठवडे चालू शकतो, असे सूचित केले आहे.
