Ashok Kharat Property: भोंदूबाबा अशोक खरात (Ashok Kharat Case) याच्याबाबत दिवसेंदिवस धक्कादायक बाबी समोर येत आहे. समस्या घेऊन आलेल्या भक्तांना तंत्र-मंत्राचं आमिष दाखवून त्यांच्यासोबत घृणास्पद कृत्य करीत असल्याच्या अनेक धक्कादायक बाबी समोर आल्या आहेत. हजारो लोकांची फसवणूक करुन खरातने २०० नाही तर तब्बल २ हजार कोटींची संपत्ती (Assets worth ₹2,000 crore) उभी केल्याचं समोर आलं आहे. त्याची ही संपत्ती अहिल्यानगर (Ahilyanagar)व नाशिक (Nashik) जिल्ह्यात मोठ्या प्रमाणात आहे. शिर्डीमधील साई सिल्व्हर ओक लॉन्स ही संपत्ती अशोक खरातची आहे. खरातजवळ असलेल्या मालमत्तेचे आकडे पाहून तपास यंत्रणाही चक्रावल्या आहेत. आता ही प्रॉपर्टी नेमकी कुठे आहे ते पाहू…
नक्की वाचा: शिक्षकांच्या उन्हाळी सुट्ट्यांवर संक्रात? कारण नेमकं काय?
नाशिक आणि अहिल्यानगर जिल्ह्यांत खरातच्या ५२ मालमत्ता (Ashok Kharat Property)
पाथर्डीत १५० कोटींची ३० एकर जमीन, सिन्नरच्या कहांडळवाडीत ५ कोटींची ४५ एकर जमीन, पाथर्डी, गौळाणेत ३० कोटींहून अधिक किमतीची जमीन, गौळाणेत मोक्याच्या जागी १५ भूखंड, सिन्नरमध्ये १ कोटीचे २ व्यापारी गाळे, मीरगावात १० कोटींहून जास्त किमतीचे फार्म हाऊस.
अहिल्यानगरमध्ये कोट्यवधींचा भूखंड –
ओझर विमानतळाजवळ ५ कोटींची जमीन, जानोरी, दहावा मैल भागात मोक्याचे भूखंड, नाशिकमध्ये कॅनडा कॉर्नरवर सुमारे एक कोटीचं ऑफिस, कर्मयोगीनगरमध्ये ५ कोटींचा बंगला,
शिर्डीच्या पानमळ्यात ३० गुंठ्यांची कोट्यवधींची जागा
निघोजमध्ये ४ एकरांची कोट्यवधींची जागा
शिर्डीमध्ये ७० कोटींचे प्लॉट
मिरगावातल्या घरी लाखोंची कॅश, वेगवेगळ्या ठिकाणी ३० फ्लॅट, सिन्नरमध्ये महत्त्वाच्या जागांवर दुकानं आणि ईशान्येश्वर मंदिर ट्रस्टची दोन कोटींची वार्षिक उलाढाल
अवश्य वाचा: श्रीगोंद्यात ट्रॉलीमध्ये बिबट्या अन् तरुणाचा एकत्र मुक्काम;नेमकं घडलं काय?
अशोक खरातची ही माहीत असलेली प्रॉपर्टी आहे. त्याच्या पत्नीच्या नावावरही बऱ्याच मालमत्तांची नोंद आहे. खरातची मालमत्ता खरेदी करताना एक विशिष्ट मोडस ऑपरेंडी होती. तो बड्या गुंतवणूकदाराला हाताशी धरायचा. दोघांमध्ये मिळून मालमत्ता खरेदी करायचा. दोन कोटींचा जमीन व्यवहार असेल, तर खरात फक्त २० लाख रुपये गुंतवायचा. उर्वरित १ कोटी ८० लाख समोरच्याला गुंतवायला सांगायचा. त्यानंतर सातबारा उताऱ्यावर जमीन सामाईक पद्धतीने घेतली असल्याची नोंद करायचा. अशा पद्धतीने खरातने कवडीमोल भावात कोट्यवधींच्या जमिनी स्वतःच्या नावावर केल्याचं सांगितलं जात आहे. भोंदूबाबा अशोक खरातची नाशिक आणि अहिल्यानगर जिल्ह्यातच जवळपास ५०० कोटीहून जास्त किमतीची मालमत्ता आहे. अनेक ठिकाणच्या जमिनी खरातनं धमक्या देऊन बळकावल्या आहेत.
खरातच्या जाचामुळे शिर्डीतल्या तिघांची आत्महत्या (Ashok Kharat Property)
नाशिकच्या पाथर्डी शिवारातला एक भूखंडही खरातच्या नावावर आहे. इतकच नाही तर खरातच्या जाचामुळे शिर्डीतल्या तिघांनी आत्महत्या केल्याचंही बोललं जातंय. शिर्डीतल्या एका कुटुंबाला खरातनं सावकारीतून कर्ज दिलं होतं. या कुटुंबीयांच्या मालकीचं शिर्डीमध्ये एक लॉन्स म्हणजे बगीचा होता. खरातनं जास्त व्याजदरानं आर्थिक संकटात सापडलेल्या या कुटुंबाला कर्ज दिलं होतं. या कुटुंबानं कर्ज फेडलं. तरीही खरातकडून वसुलीसाठी तगादा लावला जात होता. नेते, मंत्री, अधिकाऱ्यांच्या ओळखी असल्याचं सांगून त्या कुटुंबाला धमकावलं जायचं. अखेर या कुटुंबानं त्यांच्या मालकीचं लॉन खरातच्या नावावर करुन दिलं. मात्र खरातच्या त्रासाला कंटाळून या कुटुंबातल्या दोघांनी आणि खरातनं सावकारी कर्ज दिलेल्या आणखी एकानं अशा तिघांनी आत्महत्या केल्याची चर्चा आहे. अशा पद्धतीने अशोक खरातचे प्रॉपर्टी आणि त्याने केलेले वेगवेगळे कारनामे सगळ्यांसमोर येत आहे.
