नगर : कला जेव्हा समाजाचे वास्तव प्रतिबिंबित करते, तेव्हा ती केवळ मनोरंजनाचे माध्यम राहत नाही, तर विचारप्रवर्तक ताकद बनते. अशाच आशयप्रधान आणि सामाजिक भान जपणाऱ्या चित्रपटांची परंपरा पुढे नेत, राष्ट्रीय पुरस्कार विजेती जोडी निर्माते अमोल कागणे (Amol Kagne) आणि दिग्दर्शक शिवाजी लोटण पाटील (Shivaji Lotan Patil) पुन्हा एकदा प्रेक्षकांसमोर एका वेगळ्या आणि विचारप्रवर्तक मराठी चित्रपटासह येत आहे. ‘हलाल’ आणि ‘भोंगा’ सारख्या राष्ट्रीय पुरस्कारप्राप्त चित्रपटांनंतर त्यांच्या महत्त्वाकांक्षी निर्मितीतील ‘मूर्ती’ (Murti Marathi Movie) हा चित्रपट लवकरच प्रेक्षकांच्या भेटीला येणार आहे.
नक्की वाचा : आता शाळेच्या आवारात वडापाव, समोसा, बर्गर विक्रीवर बंदी;आयएएस तुकाराम मुंढेंचा मोठा निर्णय
नव्या चित्रपटाची प्रेक्षकांना उत्सुकता (Murti Marathi Movie)
समाजातील ज्वलंत प्रश्नांना संवेदनशीलपणे मांडत, प्रेक्षकांच्या मनावर कायमस्वरूपी ठसा उमटवण्याची हातोटी दिग्दर्शक शिवाजी लोटण पाटील यांनी यापूर्वी सिद्ध केली आहे. त्यांच्या चित्रपटांमध्ये केवळ मनोरंजन नसून सामाजिक भान, वास्तवाची जाणीव आणि विचारांना चालना देणारा आशय असतो. त्यामुळेच पहिल्याच चित्रपटातून राष्ट्रीय पुरस्कार पटकावणाऱ्या शिवाजी लोटण पाटील यांच्या प्रत्येक नव्या चित्रपटाकडे प्रेक्षक आणि चित्रपट सृष्टीचे विशेष लक्ष असते.
अवश्य वाचा : राज्यसभेत वंदे मातरम विधेयक मंजूर; अपमान केल्यास होणार ३ वर्षांची शिक्षा
मूर्तीमध्ये नेमकं काय? (Murti Marathi Movie)
‘मूर्ती’ हा चित्रपट देखील याला अपवाद नसून, एका वेगळ्या विषयाला प्रभावी सिनेमॅटिक मांडणी देत समाजाला अंतर्मुख करणारा अनुभव देणार असल्याची उत्सुकता निर्माण झाली आहे. या चित्रपटाची निर्मिती अमोल लक्ष्मण कागणे, लक्ष्मण एकनाथराव कागणे आणि शिवाजी लोटण पाटील यांनी केली असून, कथा, पटकथा आणि दिग्दर्शन शिवाजी लोटण पाटील यांचे आहे.
चित्रपटाच्या तांत्रिक बाजूची जबाबदारी अनुभवी आणि कुशल तंत्रज्ञांच्या टीमने समर्थपणे सांभाळली आहे. मयुरेश जोशी यांनी छायांकन, हनी सातमकर यांनी संगीत, निलेश नवनाथ गावणे यांनी संकलन, तर रमेश इनामती यांनी ध्वनी संयोजनाची धुरा सांभाळली आहे. चित्रपटाचे कलादिग्दर्शन आकाश शिवाजी माळी, वेशभूषा माधव बाळुते, मेकअप नितीन दांडेकर आणि स्टिल फोटोग्राफी नितीन भावसार यांनी केले आहे. महेंद्र माधुकर तिसगे यांनी कार्यकारी निर्माता म्हणून महत्त्वाची जबाबदारी पार पाडली आहे. वितरणाची जबाबदारी फिल्मास्त्र स्टुडिओच्या अमेय खोपकर, अमोल कागणे आणि प्रणित वायकर यांच्याकडे आहे. ‘मूर्ती’ हा चित्रपट मराठी चित्रपटसृष्टीत एक वेगळी आणि ठळक ओळख निर्माण करेल, असा विश्वास चित्रपटाच्या टीमने व्यक्त केला आहे.
