Kotwali Police Station : नगर : स्वस्त धान्य वितरण योजनेतील (Subsidized Food Grain Distribution Scheme) रेशनचा गहू अनधिकृतपणे दुसर्या बारदाण्यात भरून तो काळ्या बाजारात विक्रीसाठी घेऊन जाण्याचा प्रयत्न कोतवाली पोलिसांनी हाणून पाडला. माळीवाडा परिसरातील बारातोटी कारंजा येथे केलेल्या कारवाईत पोलिसांनी १७ क्विंटल गहू आणि पिकअप असा एकूण ५ लाख १ हजार रूपयांचा मुद्देमाल जप्त केला. या प्रकरणी पिकअप चालकाला पोलिसांनी (Police) ताब्यात घेतले असून त्याच्यासह धान्य दुकानदाराविरूध्दही गुन्हा दाखल करण्यात आला आहे. याबाबत पुरवठा विभागाच्या सपना भोवते (वय ३६) यांनी सरकारतर्फे कोतवाली पोलीस ठाण्यात (Kotwali Police Station) फिर्याद दिली आहे.
तपासणीत प्लास्टिक बारदाण्यात भरलेला गहू आढळला
सोमवारी (ता.३१) सायंकाळी साडेसातच्या सुमारास पोलीस निरीक्षक नितीन देशमुख यांनी पुरवठा विभागाच्या अधिकार्यांना फोन करून बारातोटी कारंजा, माळीवाडा येथे एका पिकअपमध्ये रेशनचा गहू आढळून आल्याची माहिती दिली. त्यानुसार सपना भोवते यांनी कार्यालयातील कर्मचारी तसेच दोन पंचांना सोबत घेतले आणि रात्री आठच्या सुमारास पोलिसांसह घटनास्थळी धाव घेतली. दत्त मंदिरामागे, सुरेश रासकर यांच्या दुकानाशेजारी पिकअप उभी असल्याचे पथकाला आढळले. वाहनाची तपासणी केली असता प्लास्टिक बारदाण्यात गहू भरलेला आढळून आला.
🪀 अहिल्यानगर जिल्ह्यातील अपडेट्स मिळविण्यासाठी क्लिक करा
📲 https://chat.whatsapp.com/GuIoV5EQN6PEvBPT69TR0a
दुकानदाराविरूध्द गुन्हा दाखल (Kotwali Police Station)
वाहनात असलेल्या व्यक्तीची चौकशी केली असता त्याने आपले नाव प्रकाश दत्तात्रय रासकर (वय 42, रा. कानडे मळा, सारसनगर) असे सांगितले. चौकशीदरम्यान त्याने हा गहू रास्तभाव दुकानदार सुरेश रासकर यांच्या सांगण्यावरून वाहनात भरल्याचे सांगितल्याचे फिर्यादीत नमूद करण्यात आले आहे. या प्रकरणी पिकअप चालक प्रकाश रासकर आणि रास्तभाव दुकानदार सुरेश बबनराव रासकर यांच्याविरूध्द गुन्हा दाखल केला आहे.
