Dr. Babasaheb Ambedkar : नगर : अहिल्यानगर शहरातील (Ahilyanagar City) मार्केटयार्ड येथील भारतरत्न डॉ. बाबासाहेब आंबेडकर (Dr. Babasaheb Ambedkar) यांच्या पूर्णाकृती पुतळ्याचा अनावरण सोहळ्याचा कार्यक्रम गुरुवारी (ता. १०) केंद्रीय मंत्री चिराग पासवान यांच्या हस्ते व प्रमुख आरपीआय नेत्यांच्या उपस्थितीत थाटात होणार होते. मात्र, अहिल्यानगर शहराचे आमदार संग्राम जगताप (Sangram Jagtap) यांचे वडील व माजी आमदार अरुण जगताप (Arun Jagtap) यांची प्रकृती खालवल्याने या पुतळा अनावरण कार्यक्रमास तात्पुरती स्थगिती देण्यात यावी, अशी मागणी बाबासाहेब आंबेडकर पूर्णाकृती पुतळा समितीतर्फे महापालिका उपायुक्त यांना पत्र देण्यात आले. त्यानुसार हा कार्यक्रम स्थगित करण्यात आला आहे.

नक्की वाचा : ‘कोणतही डिपॉझिट घेऊ नका’;पुणे महानगरपालिकेची खासगी रुग्णालयांना नोटीस

निवेदनात म्हटले आहे की,

माजी आमदार अरुण जगताप यांनी आंबेडकरी चळवळीस डॉ. बाबासाहेब आंबेडकर स्मारकाच्या स्थापनेपासून कायम पूर्णाकृती पुतळा होईपर्यंत बहुमोल सहकार्य व योगदान दिलेले आहे त्यांच्या या योगदानाबद्दल कृतज्ञता व्यक्त करण्यासाठी जगताप परिवाराच्या पाठीशी ठाम राहण्याचा निर्णय डॉ. बाबासाहेब आंबेडकर पूर्णाकृती पुतळा समितीने घेतला आहे.

अवश्य वाचा : मोठी बातमी!लाडकी बहीण योजनेचा हप्ता अक्षय तृतीयेच्या मुहुर्तावर मिळणार

लवकरच अनावरण तारीख जाहीर होणार (Dr. Babasaheb Ambedkar)

पुतळा समिती पुढील महिन्यात पुन्हा एकदा सर्व राष्ट्रीय नेत्यांच्या व गायकांच्या तारखा घेऊन पुतळा अनावरण कार्यक्रमाची तारीख जाहीर करतील, असा सर्वानुमते निर्णय घेण्यात आला. माजी आमदार अरुण जगताप यांना दीर्घायुष्य मिळो, यासाठी सामूहिक बौद्ध वंदना घेण्यात आली. यावेळी महापालिकेचे जल अभियंता परिमल निकम, सुरेश बनसोडे, सुमेध गायकवाड, अजय साळवे, संजय कांबळे, सुनील शिंदे, सुनील शेत्रे, माजी नगरसेवक प्रशांत गायकवाड, योगेश साठे, प्रा.जयंत गायकवाड, संजय जगताप, अशोक खंडागळे, महेश भोसले, नितीन कसबेकर, अंकुश मोहिते, सिद्धार्थ आढाव, विशाल गायकवाड, कौशल गायकवाड, विशाल भिंगारदिवे आदीसह डॉ. बाबासाहेब आंबेडकर पूर्ण कृती पुतळा समितीचे पदाधिकारी उपस्थित होते.