sairat Movie : नागराज मंजुळे (Nagraj Manjule) दिग्दर्शित ‘सैराट’ चित्रपटाने (Sairat movie) मराठी सिनेसृष्टीत एक इतिहास रचला आहे. १०० कोटींपेक्षा जास्त कमाई करणाऱ्या या चित्रपटाने केवळ महाराष्ट्रातच नाही तर देशभरातील प्रेक्षकांनाही वेड लावले. या चित्रपटातील हृदयस्पर्शी प्रेमकथा आणि कलाकारांचा नैसर्गिक अभिनय प्रेक्षकांना विशेष भावला होता. या अभूतपूर्व यशानंतर ‘सैराट’ आता पुन्हा एकदा (Re-Release) बॉक्स ऑफिस गाजवण्यासाठी सज्ज झाला आहे.
नक्की वाचा :मोठी बातमी!आनंदाचा शिधा योजना अखेर बंद
सैराट २१ मार्च रोजी पुन्हा प्रदर्शित होणार (Sairat film Re-release)
अभिनेत्री रिंकू राजगुरू आणि आकाश ठोसर यांची प्रमुख भूमिका असणारा हा चित्रपट येत्या २१ मार्च रोजी पुन्हा प्रदर्शित होणार आहे. त्यामुळे आता ‘सैराट’च्या चाहत्यांना पुन्हा एकदा आर्ची आणि परश्याच्या प्रेमकहाणीची जादू मोठ्या पडद्यावर अनुभवायला मिळणार आहे.
अवश्य वाचा : आता जेजुरीतील खंडेरायाच्या दर्शनासाठी ड्रेस कोड लागू!
दिग्दर्शक नागराज मंजुळे काय म्हणाले ? (Sairat film Re-release)
चित्रपटाच्या पुनर्प्रदर्शनाबद्दल दिग्दर्शक नागराज मंजुळे म्हणाले की,’आम्ही चित्रपटाची निर्मिती केली तेव्हा विचारही केला नव्हता की, या चित्रपटाला प्रेक्षक डोक्यावर घेतील.आम्ही प्रामाणिकपणे काम केले होते. सैराटने महाराष्ट्रातच नाही तर भारतभर प्रेक्षकांच्या मनात स्थान निर्माण केले आणि आज पुन्हा एकदा आमचा हा चित्रपट प्रदर्शित करण्याची संधी मिळतेय. याहून आनंद काय असू शकतो? यासाठी मी झी स्टुडिओजला मनापासून धन्यवाद देतो. चित्रपटाच्या पुनर्प्रदर्शनामुळे आम्हाला पुन्हा एकदा तोच अनुभव, तीच उत्सुकता आणि प्रेक्षकांचं भरभरून प्रेम मिळेल,याची मला खात्री आहे.”
झी स्टुडिओजचे बिझनेस हेड बवेश जानवेलकर म्हणतात,”झी स्टुडिओज नेहमीच आपल्या प्रेक्षकांसाठी दर्जेदार कलाकृती घेऊन येत असते. सैराट चित्रपटाने मराठी सिनेसृष्टीला एक अनोखी ओळख दिली आहे आणि तोच चित्रपट आता पुन्हा एकदा प्रदर्शित होत आहे. कथानक, कलाकार, संगीत, चित्रीकरण अशा सगळ्याच बाजू जमेच्या आहेत. आजही हा चित्रपट प्रेक्षकांमध्ये तितकाच लोकप्रिय आहे. मला खात्री आहे, ‘सैराट’च्या पुनर्प्रदर्शनातही प्रेक्षकांचा तसाच उत्स्फूर्त प्रतिसाद असेल.”