Financial fraud : नगर : कंपनीच्या वरिष्ठ अधिकाऱ्याच्या नावाने मायक्रोसॉफ्ट टीम्सवर बनावट खाते तयार करून कंपनीची तब्बल एक कोटी रुपयांची फसवणूक (Financial fraud) केल्याचा प्रकार अहिल्यानगरमध्ये उघडकीस आला आहे. या प्रकरणी सायबर पोलीस ठाण्यामध्ये (Cyber Police Station) अज्ञात व्यक्तीसह संबंधित बँक खातेधारकाविरुद्ध गुन्हा दाखल करण्यात आला आहे.
कंपनीचे डिव्हिजन प्रेसिडेंट यांच्या नावाने बनावट खाते
याबाबत समीर शरद पळसकर (वय ४६, रा. सावेडी, अहिल्यानगर) यांनी फिर्याद दिली आहे. त्यानुसार, अनोळखी व्यक्तीने कंपनीचे डिव्हिजन प्रेसिडेंट सुनील मुरलीधरन यांच्या नावाने मायक्रोसॉफ्ट टीम्सवर बनावट खाते तयार केले. त्यानंतर कंपनीचे एचआर मॅनेजर शैलेद्र खळदकर आणि वरिष्ठ लेखापाल सुयोग भनसाळी यांना या ग्रुपमध्ये सहभागी करून घेतले.
🪀 अहिल्यानगर जिल्ह्यातील अपडेट्स मिळविण्यासाठी क्लिक करा
📲 https://chat.whatsapp.com/GuIoV5EQN6PEvBPT69TR0a
कंपनीची एक कोटी रुपयांची आर्थिक फसवणूक (Financial fraud)
आरोपीने आपणच कंपनीचे डिव्हिजन प्रेसिडेंट असल्याचे भासवून ग्रुपवर बँक खात्याचा क्रमांक पाठवला. या खात्यावर एक कोटी रुपये पाठविण्यास संबंधितांना भाग पाडले. या प्रकारातून कंपनीची एक कोटी रुपयांची आर्थिक फसवणूक झाल्याचे फिर्यादीत नमूद करण्यात आले आहे.
या प्रकरणी अहिल्यानगर सायबर पोलीस ठाण्यामध्ये गुन्हा दाखल करण्यात आला आहे. सायबर पोलीस ठाण्याची पोलीस निरीक्षक सागर ढिकले यांच्या मार्गदर्शनाखाली या प्रकरणाचा तपास सुरू आहे. बनावट ओळख वापरून कंपनीच्या आर्थिक व्यवहारांमध्ये फसवणूक केल्याने या प्रकरणाकडे गांभीर्याने पाहिले जात आहे.
