Ek Din Movie Trailer Out : आमिर खान प्रोडक्शन्स (Aamir Khan Productions) प्रस्तुत ‘एक दिन’ हा आगामी चित्रपट प्रेक्षकांसमोर एक सुंदर, मनाला भिडणारी प्रेमकथा घेऊन येणार आहे. साई पल्लवी (Sai Pallavi) आणि जुनैद खान मुख्य भूमिकेत झळकत असून, या चित्रपटाची उत्सुकता आधीपासूनच शिगेला पोहोचली आहे. गाण्यांमधून आधीच एक खास वातावरण निर्माण केल्यानंतर आता ‘एक दिन’ चित्रपटाचा ट्रेलर प्रदर्शित (Ek Din Movie Trailer Out) झाला आहे, जो आशा आणि जादूने भरलेली प्रेमकथा अत्यंत सुंदरपणे सादर करतो.
नक्की वाचा : राहुरीच्या पोटनिवडणूकीसाठी कायदा-सुव्यवस्था अबाधित ठेवा : जिल्हाधिकारी
एका जादुई प्रेमकथेची झलक
‘एक दिन’चा ट्रेलर अखेर प्रेक्षकांसमोर आला असून, तो एका जादुई प्रेमकथेची झलक दाखवतो. जुनैद खान यांनी एका लाजाळू आणि थोड्या वेगळ्या स्वभावाच्या तरुणाची भूमिका साकारली आहे, ज्याला साई पल्लवी वर प्रेम जडते. साई ही आनंदी आणि जिंदादिल मुलगी आहे. दोघे एकाच कार्यालयात काम करत असले तरी जुनैद तिला आपली भावना व्यक्त करू शकत नाही.
🪀 अहिल्यानगर जिल्ह्यातील अपडेट्स मिळविण्यासाठी क्लिक करा
📲 https://chat.whatsapp.com/GuIoV5EQN6PEvBPT69TR0a
साईच्या अपघातानंतर काय घडते?(Ek Din Movie Trailer Out)
कथेत मोठा वळण तेव्हा येतो, जेव्हा जपानमध्ये साईचा अपघात होतो आणि ती ‘क्षणिक स्मृतिभ्रंश’ या आजाराची शिकार होते. या अवस्थेत तिला फक्त जुनैदच आठवत राहतो, कारण त्यानेच तिचे प्राण वाचवलेले असतात. या वळणामुळे कथा अधिक रंजक बनते आणि पुढे ही प्रेमकथा कोणत्या दिशेने जाते, हे पाहणे उत्कंठावर्धक ठरणार आहे.
ट्रेलर पाहिल्यानंतर हे स्पष्ट होते की एक कोमल, हळुवार आणि हृदयाला भिडणारी प्रेमकथा प्रेक्षकांच्या भेटीला येत आहे. ही कथा प्रेमावर विश्वास ठेवण्याची, आशा जपण्याची आणि आयुष्यातील जादूची वाट पाहण्याची आहे. खूप दिवसांनी अशी वेगळी आणि भावनिक कथा मोठ्या पडद्यावर पाहायला मिळणार आहे.
आमिर खान आणि मन्सूर खान हे दोघे या चित्रपटाद्वारे पुन्हा एकदा एकत्र आले आहेत. या जोडीने यापूर्वी कयामत से कयामत तक, जो जीता वही सिकंदर, अकेले हम अकेले तुम आणि जाने तू… या जाने ना यांसारखे संस्मरणीय चित्रपट दिले आहेत. ‘एक दिन’मुळे ही लोकप्रिय जोडी पुन्हा एकदा प्रेमकथेच्या प्रकारात परतत आहे, ज्यामुळे चाहत्यांमध्ये प्रचंड उत्साह आहे.
आमिर खान प्रोडक्शन्सच्या बॅनरखाली तयार झालेल्या या चित्रपटाचे दिग्दर्शन सुनील पांडे यांनी केले असून, निर्मिती आमिर खान, मन्सूर खान आणि अपर्णा पुरोहित यांनी केली आहे. ‘एक दिन’ हा चित्रपट १ मे २०२६ रोजी चित्रपटगृहात प्रदर्शित होणार आहे.
